પલક તિવારી અને ઈબ્રાહીમ અલી ખાનનું રિલેશનશીપ કન્ફર્મ? માલદિવ્સ વેકેશનની તસવીરો વાઇરલ

Palak Tiwari and Ibrahim Ali Khan Dating Rumoures: શ્વેતા તિવારીની દીકરી પલક તિવારીના ડેટિંગના સમાચાર ઘણા સમયથી ચર્ચામાં છે. પલક તિવારી સૈફ અલી ખાન અને તેની પૂર્વ પત્ની અમૃતા સિંહના પુત્ર ઈબ્રાહિમ અલી ખાન સાથે ઘણી વાર જોવા મળી હતી. બંનેને જોઈને ફેન્સમાં ચર્ચા શરૂ થઈ ગઈ હતી કે બંને એકબીજાને ડેટ કરી રહ્યાં છે. પરંતુ હવે તેમની એકસમાન તસ્વીરો સામે આવતા લોકો તેમના રિલેશનશીપની અફવાને હવે સાચી જ સમજી રહ્યા છે. 

તસવીરો પરથી હિંટ મળી 

પલક તિવારી અને ઈબ્રાહિમ અલી ખાન ઘણી વખત મુંબઈમાં ડિનર ડેટ પર જોવા મળ્યા છે. જો કે, બંનેમાંથી કોઈએ ડેટિંગના સમાચાર પર કંઈ કહ્યું નથી. હવે ફરી પલક અને ઈબ્રાહિમે સોશિયલ મીડિયા પર કેટલીક તસવીરો શેર કરી છે, જેમાં બંને એકસાથે જોવા મળતા નથી પરંતુ અનુમાન લગાવવામાં આવી રહ્યું છે કે બંને વેકેશન પર સાથે માલદીવ પહોંચ્યા છે.

View this post on Instagram

A post shared by Viral Bhayani (@viralbhayani)

માલદિવ્સ વેકેશનની તસવીરો વાઇરલ 

ઈબ્રાહિમ અલીએ શેર કરેલી તસ્વીરમાં તે નિયોન શોર્ટ્સ પહેરીને તે જ બીચ પર એન્જોય કરતો જોઈ શકાય છે. આવા જ બીચ પર પલક તિવારીએ પણ પોસ્ટ શેર કરી છે. પરંતુ ઇબ્રાહિમે આ પોસ્ટ શેર કરતા એવું નથી જણાવ્યું કે આ તસ્વીર ક્યાંની છે, પરંતુ બંનેના સમાન જગ્યાના ફોટો જોઇને તેમના ફેન્સ એવું માની રહ્યા છે કે બંને સાથે વેકેશન પર ગયા હતા.  

પલક અને ઇબ્રાહિમનું વર્કફ્રંટ

પલક તિવારી સલમાન ખાનની ફિલ્મ 'કિસી કા ભાઈ કિસી કી જાન'માં જોવા મળી હતી. ત્યારથી તે અન્ય કોઈ પ્રોજેક્ટમાં જોવા મળી નથી. ઈબ્રાહિમ ખાન ટૂંક સમયમાં 'સરઝમીન'થી બોલિવૂડમાં ડેબ્યૂ કરશે જેમાં તેની સાથે કાજોલ અને પૃથ્વીરાજ સુકુમારન પણ જોવા મળશે. લોકો પણ તેના ડેબ્યૂની આતુરતાથી રાહ જોઈ રહ્યા છે.