આલિયા ભટ્ટની જિગરામાં આર્ચીઝના વેદાંગ રૈનાની એન્ટ્રી

- આલિયાના ભાઈની ભૂમિકા ભજવશે

- આલિયાની પ્રોડક્શન કંપનીની ફિલ્મનું શૂટિંગ શરૂ પણ થઈ ચૂક્યું છે

મુંબઇ : આલિયા ભટ્ટની ફિલ્મ 'જિગરા'માં 'આર્ચીઝ'ના  કલાકાર વેદાંગ રૈનાની એન્ટ્રી થઈ હોવાનું કહેવાય છે. 

આ અંગે હજુ  સત્તાવાર જાહેરાત થઈ નથી. ખુદ વેદાંગ પણ બધાને ગોળ ગોળ જવાબો આપી રહ્યો છે. પરંતુ એક દાવા અનુસાર ફિલ્મમાં વેદાંગને આલિયાના ભાઈની ભૂમિકા ઓફર થઈ છે. 

આલિયા ભટ્ટ આ ફિલ્મ પ્રોડયૂસ પણ કરી રહી છે. તેણે દિવાળી પછી આ ફિલ્મનું શૂટિંગ શરુ કરી દીધું હોવાની તસવીરો પણ વાયરલ થઈ છે. 

વેદાંગ 'આર્ચીઝ'માં સુહાના ખાન, ખુશી કપૂર તથા અગસ્ત્ય નંદા જેવા નેપો કિડ્ઝ સાથે દેખાયો હતો. બાકીના ત્રણેય કલાકારોની સરખામણીએ વેદાંગે કારકિર્દી જમાવવા માટે વધારે મહેનત કરવી પડશે એ  નક્કી છે. આ ફિલ્મના સેટ પરથી જ વેદાંગ અને ખુશી કપૂરનું અફેર શરુ થયું હોવાનું પણ કહેવાય છે.