અનંત-રાધિકાના બીજા પ્રિ-વેડિંગ ફંક્શનમાં આ પ્રકારના હશે ડ્રેસ કોડ,પાર્ટીની થીમ ઈટાલિયન અને ફ્રેન્ચથી પ્રેરિત હશે

Anant Ambanis Pre Wedding:  દેશના સૌથી મોટા ઉદ્યોગપતિ મુકેશ અને નીતા અંબાણીના નાના પુત્ર અનંત અંબાણી-રાધિકા મર્ચન્ટના લગ્નની ઉજવણી માર્ચથી જ શરૂ થઈ ગઈ છે. આ કપલની પહેલી પ્રિ વેડિંગ પાર્ટી ગુજરાતના જામનગરમાં યોજાઈ હતી. જેમાં દુનિયાભરની હસ્તીઓ સામેલ થઇ હતી અને સોશિયલ મીડિયા પર તેના ફોટો અને વીડિયો પણ વાયરલ થયા હતા. હવે આ કપલ ફરી તેમના પ્રિ વેડિંગ ફંક્શનની ઉજવણી કરી રહ્યું છે. જે 29 મેથી 1 જૂન સુધી ચાલશે. 

આ પાર્ટી ખાસ અને અલગ છે કારણ કે, તે ઇટાલીથી શરૂ થશે અને સ્વિટ્ઝર્લેન્ડમાં પુરુ થશે, ક્રૂઝ પરની આ પાર્ટી ખૂબ જ ખાસ બનવાની છે. દરેક ફંક્શન માટે અલગ અલગ ડ્રેસ કોડ રાખવામાં આવ્યા છે. આ પાર્ટી માટે સલમાન ખાન, રણબીર કપૂર, આલિયા ભટ્ટ અને રણવીર સિંહ, શાહિદ કપૂર, અનન્યા પાન્ડે, સારા અલી ખાન સહિત ઘણાં સેલેબ્સ રવાના થયા છે. આ ક્રૂઝ યાત્રા ઇટાલીના સિસિલી આઇલેન્ડના પાલેમ્નોથી શરૂ થશે.

ક્રુઝ પાર્ટીની 3 રાત માટે ખાસ થીમ

અનંત-રાધિકાના બીજા પ્રિ વેડિંગ ફંક્શનમાં પહેલા દિવસની થીમ An Evening In Everland રાખવામાં આવી છે. જેમા તમામ મહેમાનોનો ડ્રેસ કોડ 'એલિગન્ટ કોકટેલ' હશે. જેમાં મહિલાઓ ની-લેન્થ અને ટી લેન્થ ડ્રેસ, સ્કર્ટ અને બ્લાઉઝની ફેશન કેરી કરી શકે છે.

થીમ- A Walk on the Wildside

બીજા દિવસની થીમ અ વોક ઓન ધ વાઇલ્ડસાઇડ રાખવામાં આવી છે, જેનો ડ્રેસ કોડ 'જંગલ ફીવર' જેવો હશે. આ કાર્ય માટે તમામ મહેમાનોને આરામદાયક પગરખાં અને કપડાં પહેરવાની સલાહ આપવામાં આવી છે.

મેલા રુઝ

આ કપલના પ્રિ વેડિંગના ત્રીજા દિવસની થીમ ‘મેલા રૂજ’ છે. આ દિવસનો ડ્રેસ કોડ છે “ડેઝલિંગ દેશી રોમાન્સ”.  જેમાં તમામ મહેમાનોને દક્ષિણ એશિયાના પરંપરાગત ગ્લેમરસ ડ્રેસ પહેરવાનું સૂચન કરવામાં આવ્યું છે.

ટસ્કર ટ્રેલ્સ

આ ઉપરાંત ત્રીજા અને છેલ્લા દિવસે જ બે કાર્યક્રમ થશે. પ્રથમ- 'ટસ્કર ટ્રેલ્સ', જેમાં મહેમાનોને ડ્રેસિંગ માટે 'કેઝ્યુઅલ ચિક' ડ્રેસ કોડ આપવામાં આવ્યો છે. આ સિવાય બીજા કાર્યક્રમમાં 'હસ્તાક્ષર'માં ડ્રેસ કોડ રાખવામાં આવ્યો છે, આ દરમિયાન મહેમાનોએ સુંદર ભારતીય વસ્ત્રો પહેરવાના રહેશે. આ સિવાય ટોગા પાર્ટીમાં સંપૂર્ણ આરામદાયક કપડાં પહેરવા પડે છે જે ચાદર જેવા દેખાય છે.

બધા મહેમાનોને ત્રણ કે તેથી ઓછી સૂટકેસ લાવવાની સલાહ આપવામાં આવે છે. ઇવેન્ટમાં તમામ મહેમાનોને કપડાંની એક્સપ્રેસ સ્ટીમિંગ સહિત વિવિધ પ્રકારની લોન્ડ્રી સેવાઓ પણ પૂરી પાડવામાં આવશે. હેર સ્ટાઈલિશ, સાડી ડ્રેપર અને મેક-અપ સેવાઓ પણ ઉપલબ્ધ રહેશે. વધુમાં, માર્ગદર્શિકા તારણ આપે છે કે, મહેમાનો તેમને જે પણ આરામદાયક લાગે તે પહેરવા માટે મુક્ત છે જેથી તેઓ દરેક ક્ષણનો સંપૂર્ણ આનંદ માણી શકે.