અનંત-રાધિકાની ક્રૂઝ પાર્ટીમાં હાજરી આપવા ઇટાલી પહોંચ્યા રણવીર સિંહ, ધોની, રણબીર-આલિયા

Anant-Radhika Pre Wedding: અનંત અંબાણી અને રાધિકા મર્ચન્ટ 12 જુલાઈના રોજ લગ્ન કરશે. લગ્ન પહેલા આ કપલ પ્રિ-વેડિંગ ફંક્શન પણ ધામધૂમથી સેલિબ્રેટ કરી રહ્યું છે. અગાઉ અનંત અંબાણી અને રાધિકા મર્ચન્ટનું પ્રિ-વેડિંગ સેલિબ્રેશન ગુજરાતના જામનગરમાં 3 દિવસ સુધી ચાલ્યું હતું. જયારે હવે રાધિકા અને અનંત લક્ઝરી ક્રૂઝ પર 28 મેના રોજ બીજું પ્રિ-વેડિંગ સેલિબ્રેશન હોસ્ટ કરવા જઈ રહ્યા છે. આ ક્રૂઝ 28મી મેથી પહેલી જૂન સુધી ઈટાલીથી લઈને ફ્રાન્સ સુધી ચાલશે. 

પ્રિ-વેડિંગ પાર્ટી પહોંચવા માટે આ સેલેબ્સ રવાના 

પ્રિ-વેડિંગ પાર્ટી માટે માત્ર એક દિવસ બાકી છે અને તે દરમિયાન બોલિવૂડ એક્ટર રણવીર સિંહ, મહેન્દ્ર સિંહ ધોની, સ્ટાર કપલ રણબીર કપૂર-આલિયા ભટ્ટ અને દુલ્હન રાધિકા મર્ચન્ટ સહિત ઘણા સેલેબ્સ મુંબઈના કલીના એરપોર્ટ પર જોવા મળ્યા હતા.

પ્રિ-વેડિંગની માહિતી ગુપ્ત રાખવામાં આવી છે

આ પ્રિ-વેડિંગની માહિતી ગુપ્ત રાખવામાં આવી છે. જો કે રિપોર્ટ્સ અનુસાર એવું અનુમાન લગાવવામાં આવી રહ્યું છે કે આ સેલિબ્રેશનમાં ટોપ એક્ટર્સના પરફોર્મન્સ અને ભવ્ય ભોજન હશે. 

પહેલીવાર રિહાન્નાએ ભારતમાં પરફોર્મ કર્યું હતું

માર્ચમાં જામનગરમાં આયોજિત પ્રિ-વેડિંગ સેલિબ્રેશનમાં રિહાન્ના, દિલજીત દોસાંઝ, અરિજીત સિંહ, એકોન અને શ્રેયા ઘોષાલ સહિત ઘણા સેલેબ્સના પરફોર્મન્સ જોવા મળ્યા હતા. આ પહેલીવાર હતું જ્યારે રિહાન્નાએ ભારતમાં મુલાકાત લીધી હતી અને પરફોર્મ કર્યું હતું.