અમિતાભ બચ્ચને ફિલ્મ 'કલ્કિ 2898 એડી' ના મેકર્સ માટે શેર કરી ખાસ પોસ્ટ, કહી આ વાત

                                                        Image Source: Twitter

મુંબઈ, તા. 14 ઓક્ટોબર 2023 શનિવાર

અમિતાભ બચ્ચનના 81માં જન્મદિવસે તેમની અપકમિંગ ફિલ્મ 'કલ્કિ 2898 એડી'ના મેકર્સે ફિલ્મમાંથી તેમના પાત્રનો પહેલો લુક શેર કર્યો હતો. હવે બિગ બીએ ફિલ્મ મેકર્સ માટે એક ખાસ પોસ્ટ શેર કરી છે. અમિતાભ બચ્ચનની અપકમિંગ ફિલ્મ કલ્કિ 2898 એડીમાં તેમનો ચેલેન્જિંગ લુક જોવા મળી રહ્યો છે. બિગ બી એ પોતાના સત્તાવાર ઈન્સ્ટાગ્રામ એકાઉન્ટ પર મેકર્સ માટે ખાસ પોસ્ટ શેર કરી છે. અમિતાભ બચ્ચન હંમેશા પોતાની અપકમિંગ ફિલ્મને લઈને ચર્ચામાં રહે છે.

અમિતાભ બચ્ચનનો ચેલેન્જિંગ રોલ

અમિતાભ બચ્ચને તાજેતરમાં જ પોતાના સત્તાવાર ઈન્સ્ટાગ્રામ એકાઉન્ટ પર કલ્કિ 2898 એડીના મેકર્સ માટે પોસ્ટ શેર કરીને વૈજયંતી મૂવીઝના મેકર્સનો આભાર માન્યો છે. પોતે અમિતાભે આ ફિલ્મમાં પોતાના રોલને ખૂબ ચેલેન્જિંગ ગણાવ્યો છે. અમિતાભ બચ્ચને કેપ્શનમાં લખ્યુ 'વૈજયંતી મૂવીઝનો આભાર જે આ ચેલેન્જિંગ રોલ મને આપ્યો, ચરણ સ્પર્શ'

અમિતાભ બચ્ચનનો દમદાર રોલ

કલ્કિ 2898 એડીમાં અમિતાભ બચ્ચનનો દમદાર રોલ જોવા મળવાનો છે. બિગ બી નો નવો લુક જોઈને ચાહકોનો ઉત્સાહ વધી ગયો છે અને તેમણે ફિલ્મની કહાનીનો અંદાજો લગાવવાનું શરૂ કરી દીધુ છે. કલ્કિ 2898 એડીના પહેલા લુકમાં અમિતાભ બચ્ચન માથા પર પટ્ટી બાંધેલા એક યોદ્ધાના રૂપમાં જોવા મળી રહ્યા છે. એક્ટરનો આ નવો લુક ચાહકોને ખૂબ પસંદ આવી રહ્યો છે. 

કલ્કિ 2898 એડી રિલીઝ

કલ્કિ 2898 એડીને નાગ અશ્વિન ડાયરેક્ટ કરી રહ્યા છે. આ ફિલ્મમાં પહેલી વખત દીપિકા પાદુકોણ અને પ્રભાસ સાથે નજર આવશે. જ્યારે દીપિકા અને અમિતાભ બચ્ચન આ પહેલા વર્ષ 2015માં આવેલી ફિલ્મ પીકુ માં કામ કરી ચૂક્યા છે. ફિલ્મ કલ્કિ 2898 એડી સુપરનેચરલ બેકગ્રાઉન્ડ પર આધારિત છે. આ ફિલ્મમાં અમિતાભ બચ્ચન સિવાય દીપિકા પાદુકોણ, પ્રભાસ, કમલ હાસન નજર આવવાના છે. નાગ અશ્વિનના નિર્દેશનમાં બનેલી કલ્કિ 2898 એડી ફિલ્મ આગામી વર્ષે 2024માં રિલીઝ થઈ શકે છે.