અમિત સિયાલ તથા અંકિતા લોખંડેની સાવરકરની બાયોપિકમાં એન્ટ્રી

- મહેશ માંજરેકરના સ્થાને હવે મુખ્ય અભિનેતા રણદીપ હૂડા જાતે ડિરેક્શન કરી રહ્યો છે

મુંબઇ : સ્વાતંત્ર્ય વીર સાવરકર પર બની રહેલી બાયોપિકમાં ઓટીટીનો પોપ્યુલર અભિનેતા અમિત સિયાલ તથા ટીવી સિરિયલોથી જાણીતી અભિનેત્રી અંકિતા લોખંડે પણ ભૂમિકા ભજવવાનાં છે.  ફિલ્મ સર્જકો તરફથી આ બંને કલાકારો ફિલ્મનો હિસ્સો હોવાની ઘોષણા કરવામાં આવી હતી. 

અંકિતાએ બાગી થ્રી તથા મણિકર્ણિકા ફિલ્મોમાં કામ કર્યું છે. અમિત સિયાલ જામતારા સહિતની અનેક વેબ સિરીઝના દમદાર કલાકાર તરીકે જાણીતો છે.  આ ફિલ્મનું દિગ્દર્શન અગાઉ મહેશ માજંરેકર કરવાના હતા. પરંતુ, હવે રણદીપ હૂડા જ સાવરકરનો રોલ ભજવવાની સાથે સાથે દિગ્દર્શન પણ કરી રહ્યો છે.