રજનીકાંતની કુલી ફિલ્મમાં આમિરનો કેમિયો હશે

- 30 વર્ષ પછી આમિર-રજનીકાંત સ્ક્રિન શેર કરશે

- લોકેશ કનગરાજની ફિલ્મમાં અમિતાભ બચ્ચન અને રાણા દગ્ગુબાતી સહિતના કલાકારો

મુંબઇ : રજનીકાંતની ભૂમિકા ધરાવતી લોકેશ કનગરાજની ફિલ્મમાં આમિર ખાન એક કેમિયો કરવાનો છે. બંને ૩૦ વર્ષ પછી સ્ક્રીન શેર કરશે. અગાઉ ૧૯૯૫માં 'આતંક હી આતંક' ફિલ્મમાં બંને સાથે દેખાયા હતા. 

આ ફિલ્મમાં ખલનાયકનો રોલ નાગાર્જુન ભજવવાનો હતો પરંતુ સમૂસુથરું પાર ન પડતાં હવે કન્નડ  અભિનેતા  ઉપેન્દ્ર રાવ  આ ફિલ્મમા ં વિલનની ભૂમિકા ભજવશે. આ ફિલ્મમાં અમિતાભ બચ્ચન,શ્રુતિ હાસન અને રાણા દગ્ગુબાત્તી પણ મહત્વના રોલમાં જોવા મળશે. 

આ ફિલમનું શૂટિંગ જુલાઇ મહિનામાં જ હૈદરાબાદમાં શરૂ થઇ ચુક્યું છે.  ફિલ્મ આવતાં વર્ષે રીલિઝ થાય તેવું પ્લાનિંગ છે.