સુનિલ શેટ્ટીની વેબ સીરિઝમાં પૂજા ભટ્ટની પણ એન્ટ્રી

- પૂજા ભટ્ટે પોતાનો ફર્સ્ટ લૂક રીલિઝ કર્યો

- 27 વર્ષ પછી પૂજા ભટ્ટ  અને સુનિલ શેટ્ટી કોઈ પ્રોજેક્ટમાં સાથે આવશે

મુંબઇ : પૂજા ભટ્ટ સુનિલ શેટ્ટી સાથે એક એક્શન સીરિઝમાં દેખાવાની છે. બંને ૨૭ વર્ષ પછી કોઈ પ્રોજેક્ટમાં સાથે આવી રહ્યાં છે. 

પૂજા ભટ્ટ અને સુનિલ શેટ્ટી ૨૭ વર્ષ પહેલાં આવેલી જે.પી. દત્તાની 'બોર્ડર' ફિલ્મના સહકલાકારો હતાં.  પૂજા ભટ્ટે પોતે જ આ સીરિઝનો પોતાનો ફર્સ્ટ લૂક પ્રગટ કર્યો હતો. તેમાં તે ગોલ્ડન બોર્ડર વાળી બ્લેક સાડીમાં દેખાય છે. પૂજાના જણાવ્યા અનુસાર તે એક સક્ષમ મહિલાનો રોલ ભજવી રહી છે.  પૂજા એ આ જાહેરાત કર્યા પછી સુનિલ શેટ્ટીએ પણ પોતે પૂજા સાથે કોલબરેશન માટે તત્પર હોવાનું જણાવ્યું હતું. 

જોકે આ વેબ સીરીઝની વાર્તા અને તેના અને સુનિલ શેટ્ટીના રોલ વિશે કોઇ માહિતી આપવામાં આવી નથી. પરંતુ માનવામાં આવે છે કે આ એક એક્શન વેબ સીરિઝ હશે.