Alpha Release Date: આલિયા ભટ્ટની સ્પાઇ થ્રિલર ફિલ્મ Alpha ક્યારે થશે રિલીઝ?

Alpha Release Date: આલિયા ભટ્ટ અને શર્વરી વાઘ અભિનીત ફિલ્મ 'આલ્ફા' એ YRF સ્પાઇ યૂનિવર્સની અપકમિંગ ફિલ્મ છે. આ ફિલ્મને લઈને ચાહકોમાં જબરદસ્ત ક્રેઝ જોવા મળી રહ્યો છે. આલિયા અને શર્વરી બંને આ ફિલ્મમાં સુપર એજન્ટની ભૂમિકામાં જોવા મળશે. કહેવામાં આવી રહ્યું છે કે બંને અભિનેત્રીઓએ ફિલ્મના એક્શન સિક્વન્સ માટે ઘણી મહેનત કરી છે. હવે ફિલ્મને લઇને વધુ એક અપડેટ સામે આવી છે. 

મળતી માહિતી પ્રમાણે, ફિલ્મના મેકર્સે આજે 'આલ્ફા'ની રિલીઝ ડેટ જાહેર કરી છે. YRF એ તેના ઇન્સ્ટાગ્રામ પર ફિલ્મનું પોસ્ટર શેર કરીને તેની રિલીઝ ડેટની જાહેરાત કરી છે. આ ફિલ્મ આવતા વર્ષે ક્રિસમસના દિવસે એટલે કે, 25 ડિસેમ્બર 2025ના રોજ સિનેમાઘરોમાં ધુમ મચાવશે. આ પોસ્ટ શેર કરતી વખતે કેપ્શનમાં લખ્યું છે કે, "ક્રિસમસ 2025 પર, આલ્ફાનો ઉદય થશે! એક્શનથી ભરપૂર રજા માટે તૈયાર રહો... 25 ડિસેમ્બર, 2025."

આ ફિલ્મ હિન્દી ઉપરાંત તેલુગુ અને તમિલ ભાષામાં પણ રિલીઝ થશે. આ એક્શનથી ભરપૂર ફિલ્મનું દિગ્દર્શન શિવ રાવેલે કર્યું છે. આ અગાઉ બ્લોકબસ્ટર ફિલ્મ ધૂમ 3, શાહરૂખ ખાન સ્ટારર ફેન અને આર માધવનની ધ રેલ્વે મેનનું નિર્દેશન કર્યું છે. આલ્ફાની રીલિઝ ડેટ જાહેર થયા બાદ ફેન્સ ફિલ્મને લઈને ખૂબ જ ઉત્સાહિત થઈ ગયા છે.

આ પણ વાંચો: 'મોટા કલાકારો રાત્રે મળવા બોલાવતા...' બોલ્ડ અભિનય દ્વારા ચર્ચામાં આવેલી અભિનેત્રીનો ધડાકો