VIDEO: 'તમે ટોઇલેટ બનાવ્યું એ તો સડી ગયું', વોટ આપવા આવેલા અક્ષય કુમારને વૃદ્ધે કરી ફરિયાદ

Elderly Man Complains About Toilet to Akshay Kumar: બોલિવૂડ એક્ટર અક્ષય કુમાર નાગરિકતા મળ્યા બાદ બીજી વખત મતદાન કરવા પહોંચ્યો હતો. આ દરમિયાન એક વૃદ્ધ તેને ટોઇલેટની ફરિયાદ કરતા નજરે પડ્યા હતા, જેનો એક વીડિયો સામે આવ્યો છે.  

વૃદ્ધે અક્ષય કુમારને કરી ફરિયાદ 

સોશિયલ મીડિયામાં વાયરલ વીડિયોમાં અક્ષય કુમાર મત આપીને જયારે બહાર આવે છે ત્યારે એક વૃદ્ધ તેમને ફરિયાદ કરી રહ્યા હતા. આ વૃદ્ધે કહ્યું કે, 'સર, તમે જે ટોઇલેટ બનાવડાવી આપ્યું હતું, તેને હું છેલ્લા 3-4 વર્ષથી તેને મેઇન્ટેન કરું છું. પરંતુ તે લોખંડનું છે એટલે સડી ગયું છે. તો તે નવું નખાવી આપો.' ત્યારે અક્ષયે જવાબ આપ્યો કે, 'સારું, તેના પર કામ કરી લઈશું, આ બાબતે હું બીએમસી સાથે વાત કરી લઈશ.'

આ મુદ્દે વૃદ્ધે ફરી અક્ષય કુમારને કહ્યું કે, 'ડબ્બો તમારે આપવાનો છે અને ફિટ હું કરી દઈશ.' તો અક્ષયે જવાબ આપતા કહ્યું કે, 'ડબ્બો તો મેં આપી દીધો છે પરંતુ સડી ગયો છે એટલે હવે બીએમસી જોઈ લેશે, હું વાત કરીશ.'  

આ પણ વાંચો: કાર્તિક આર્યન, રાજકુમાર રાવ સહિત બોલિવૂડ સિતારાઓએ કર્યું મતદાન: અક્ષય કુમારે કહ્યું-ખૂબ સારી છે વ્યવસ્થા

ફિલ્મ પછી લગાવ્યું હતું ટોઇલેટ

વર્ષ 2017માં અક્ષય કુમારની ફિલ્મ ટોઇલેટ એક પ્રેમ કથા રીલીઝ થઈ હતી. તે સમયે ટ્વિંકલ ખન્નાએ જુહુ બીચની તસવીર પોસ્ટ કરીને ધ્યાન દોર્યું હતું કે લોકો ખુલ્લામાં શૌચ કરી રહ્યા છે. આ પછી, વર્ષ 2018 માં, અક્ષય કુમારે શિવસેનાના નેતા આદિત્ય ઠાકરે સાથે મળીને જુહુ અને વર્સોવા બીચ પર 10 લાખ રૂપિયાના બાયો ટોઇલેટ લગાવ્યા હતા. જે બાબતે આ વૃદ્ધ ફરિયાદ કરી રહ્યા હતા.