આ વર્ષે ઓટીટી પ્લેટફોર્મ પર અક્ષય કુમાર, હૃતિક રોશન તેમજ અન્ય સ્ટાર્સ ડેબ્યુ કરશે

(પ્રતિનિધિ દ્વારા) મુંબઇ,તા.04 જાન્યુઆરી 2021, સોમવાર

૨૦૨૦ની સાલમાં ઓટીટી પ્લેટફોર્મ તેજીથી આગળ વધી ગયું. તેની લોકપ્રિયતા જોઇને બોલીવૂડના  ઘણા ટોચના સિતારાઓ વેબ સીરીઝમાં કામ કરવા માટે આકર્ષિત થયા. આ વરસે પણ આ જ સિલસિલો ચાલુ રહેશે અને ઓટીટી પર ડેબ્યુ કરનારની યાદીમાં હૃતિક રોશન, અક્ષય કુમાર, શાહિદ કપૂર અને કપિલ શર્મા  તેમજ સોનાક્ષી સિંહા જેવા નામનો સમાવેશ થયો છે. 

હૃતિક બ્રિટિશ સીરીઝ ધ નાટિ મેનેજરની હિંદી રિમેકમાં કા મકરતો જોવા મળવાનો છે. જેનું શૂટિંગ માર્ચ મહિનાથી શરૂ થવાનું છે. મીડિયા રિપોર્ટસના અનુસાર હૃતિકે આ માટે રૂપિયા ૭૦-૮૦ કરોડ ચાર્જ કર્યા છે. 

શાહિદ કપૂરે નેટફિલ્કસ સાથે રૂપિયા ૧૦૦ કરોડની ડીલ કરી છે. દિગ્દર્શક રાજ અન ેડીકે વેબ સીરીઝ બનાવાના છે જેમાં શાહિદ કામ કરવાનો છે. 

અક્ષય કુમાર ધ એન્ડથી ડિજિટલ ડેબ્યુ કરવાનો છે. જેનું શૂટિંગ તે જલદી જ શરૂ કરશે. સૂત્રોની માનીએ તો અક્ષય ડિજિટલ ડેબ્યુ માટે ૯૦ રૂપિયા કરોડ મહેનતાણું લઇ રહ્યો છે. 

કપિલ શર્મા દાદી કી શાદી કોમેડી સીરીઝથી ડિજિટલ ડેબ્યુ કરી રહ્યો છે. આ માટે તેને રૂપિયા ૨૦ કરોડ ચાર્જ કર્યા હોવાના સમાચાર છે. 

આ કલાકારો ઉપરાંત અભિષેક બચ્ચન, બોબી દેઓલ, સૈફ અલી ખાન, સુષ્મિતા સેન, મનોજ બાજપાયી, કરિશ્મા કપૂર તેમજ અન્ય કલાકારો ઓટીટી પર ડેબ્યુ કરી ચુક્યા છે.