અજય દેવગણની સુપરનેચરલ થ્રિલર ફિલ્મ શૈતાનનું ટીઝર રિલીઝ

નવી મુંબઇ,તા. 25 જાન્યુઆરી 2024, ગુરુવાર

બોલિવૂડ એક્ટર અજય દેવગણ આ દિવસોમાં પોતાની આગામી ફિલ્મોને લઈને ચર્ચામાં છે. અભિનેતા પાસે એક પછી એક ઘણી ફિલ્મો પાઇપલાઇનમાં છે. આ દરમિયાન, તેની આગામી સુપરનેચરલ થ્રિલર ફિલ્મ શૈતાનનું ટીઝર રિલીઝ કરવામાં આવ્યુ છે. આ ફિલ્મમાં અજય દેવગણ ની સાથે આર માધવન અને જ્યોતિકા પણ જોવા મળશે. 

આ વર્ષે અજય દેવગણની પાસે 'સિંઘમ અગેઇન'થી લઈને 'મેદાન' સુધીની ઘણી ફિલ્મો આવી રહી છે. પરંતુ વર્ષની શરૂઆત સુપરનેચરલ હોરર ફિલ્મ 'શૈતાન'થી થશે.

ટીઝરની વાત કરીએ તો, દોઢ મિનિટનું આ ટીઝર ધ્યાન ખેંચે તેવું છે. આ ટીઝરમાં વિવિધ પ્રકરાની આકૃતિઓ દેખાઇ રહી છે, આર માધવનના ડરામણા અવાજ તેમજ અજય દેવગન અને જ્યોતિકા સ્તબ્ધ થઈને ઉભા રહ્યાં છે અંતમાં આર માધવનનો હસતો ચહેરો દેખાય છે.

Woh poochega tumse... ek khel hai, kheloge? Par uske behkaave mein mat aana! #ShaitaanTeaser out now!

Taking over cinemas on 8th March, 2024.@ActorMadhavan #Jyotika @imjankibodiwala #JyotiDeshpande @KumarMangat @AbhishekPathakk #VikasBahl @jiostudios @ADFFilms… pic.twitter.com/ZieZuKBXnI

— Ajay Devgn (@ajaydevgn) January 25, 2024

આ ટીઝર આ ખૂબ જ ટૂંકા ગાળામાં ઉત્સુકતા જગાડે છે. આ દોઢ મિનિટનો વીડિયો બતાવે છે કે અસલી શેતાન આર માધવન હશે. જ્યોતિકા અને અજય દેવગન તે શેતાનથી ડરી ગયેલા જોવા મળે છે.

આ ફિલ્મ 'ક્વીન' અને 'સુપર 30' બનાવનાર ડિરેક્ટર વિકાસ બહલે બનાવી છે. ફિલ્મ 'શૈતાન' વાસ્તવમાં 'વશ' નામની ગુજરાતી ફિલ્મની હિન્દી રિમેક હોવાનું કહેવાય છે. ગુજરાતી ફિલ્મમાં જાનકી બોડીવાલા મુખ્ય ભૂમિકામાં જોવા મળી હતી. વશ ફિલ્મ ગયા વર્ષે ફેબ્રુઆરીમાં રિલીઝ થઈ હતી. આ ફિલ્મની સુપર નેચરલ હોરર થ્રીલર સ્ટોરી લોકોને ખૂબ જ પસંદ પડી હતી. આ ફિલ્મમાં હિતેનકુમાર, હિતુ કનોડિયા, જાનકી બોડીવાલા, નીલમ પંચાલ જોવા મળ્યા હતા. 

ફિલ્મ 'શૈતાન' 8 માર્ચે રિલીઝ થઈ રહી છે. આ જ દિવસે અક્ષય કુમાર અને ટાઈગર શ્રોફની ફિલ્મ 'છોટે મિયાં બડે મિયાં' પણ રિલીઝ થઈ રહી છે. જુનિયર એનટીઆરની ફિલ્મ 'દેવરા' પણ અગાઉ 8 માર્ચે રિલીઝ થઈ રહી હતી. પરંતુ હવે તેની રિલીઝ ડેટ લંબાવવામાં આવી છે.