આસિમ રિયાજ સાથેના બ્રેકઅપ બાદ ભગવાનની ભક્તિમાં લીન જોવા મળી હિમાંશી ખુરાના,ફોટો વાયરલ

નવી મુંબઇ,તા. 13 ડિસેમ્બર 2023, બુધવાર 

બિગ બોસ 13 ફેમ હિમાંશી ખુરાના આ દિવસોમાં પોતાની અંગત જિંદગીને લઈને ચર્ચામાં છે. અભિનેત્રી અને ગાયિકાએ હાલમાં જ અસીમ રિયાઝ સાથેના સંબંધોનો અંત લાવ્યો છે. પંજાબી એકટ્રેસ અને બિગ બોસ 13ની કંટેસ્ટેંટ રહી ચૂકેલી હિમાંશી પોતાના બ્રેકઅપના કારણે ઘણા સમયથી ચર્ચામાં છે. એકટ્રેસ  સોશિયલ મીડિયા પર ઘણી એક્ટીવ છે.તે પોતાના સોશિયલ મીડિયા દ્વારા ફેંન્સને પોતાની અપડેટ આપતી રહી છે. એકટ્રેસ આસિમ સાથેના બ્રેકઅપ બાદ હિમાંશી હવે ચાર ધામ યાત્રા પર નીકળી છે. તેણે પોતાના ઇન્સ્ટાગ્રામ પર આ યાત્રાને લઇને સુંદર ફોટો પણ શેર કર્યાં છે. 

ચાર ધામ યાત્રાના ફોટો કર્યા શેર

હિમાંશી ખુરાનાએ તેના ઈન્સ્ટાગ્રામ પર કેટલીક તસવીરો પોસ્ટ કરી છે, જેની સાથે તેણે કેપ્શનમાં લખ્યું છે - 'માતા સાથે જગન્નાથપુરી... ચાર ધામ યાત્રા'.

હિમાશી તેની માતા સાથે આ ચાર ધામ યાત્રા પર પહોંચી છે. શેર કરેલાં ફોટોમાં જોઇ શકાય છે કે, હિંમાશીના કપાળ પર તિલક છે. હિમાંશીએ જગન્નાથપુરીની મુલાકાત લીધી ત્યાર બાદ તે માર્કેટમાં રૂદ્રાક્ષની માળા ખરીદતી જોવા મળે છે. હિમાંશીએ આ યાત્રા દરમિયાન ઓપન માર્કેટમાંથી પોતાનો ફ્રૂટ ખાતો ફોટો પણ શેર કર્યો છે. 

બ્રેકઅપને લઇને શેર કરી હતી પોસ્ટ

મહત્વનું છેકે, પંજાબી ગાયકે એક પોસ્ટ કરીને આસિમ રિયાઝ સાથેના તેના બ્રેકઅપની જાહેરાત કરતા એક સત્તાવાર નિવેદન શેર કર્યું હતું. હિમાંશીએ બ્રેકઅપનું કારણ જણાવતા કહ્યું કે બંને અલગ-અલગ ધાર્મિક માન્યતાઓને કારણે અલગ થઈ રહ્યા છે.