કિસિંગ સીન અને ઇન્ટીમેટ સીનને લઇને સોનાક્ષી સિન્હાએ કહી આ વાત

Image: Sonakshi Sinha Instagram 

Sonakshi Sinha: બોલીવૂડની દબંગ ગર્લ ગણાતી સોનાક્ષી સિન્હાએ 2010માં સલમાન ખાનની ફિલ્મ દબંગથી બોલિવૂડમાં એન્ટ્રી કરી હતી. અભિનેત્રીને ફિલ્મ ઇન્ડસ્ટ્રીમાં 14 વર્ષ થઇ ગયા છે અને હજુ પણ તે પોતાની શરતો પર કામ કરી રહી છે. સોનાક્ષીએ હંમેશા ફિલ્મો વિશે પોતાનું વલણ સ્પષ્ટ રાખ્યું છે કે, તે પડદા પર કયા દ્રશ્યો કરવા માટે આરામદાયક છે અને કયા નથી.

સોનાક્ષી પોતાની શરતો પર કામ કરે છે

હીરામંડીની સફળતા પછી અભિનેત્રીને એક ઇન્ટરવ્યુહમાં પૂછવામાં આવ્યુ કે, તમારી પોતાની શરતો પર કામ કરવું ક્યારેક મુશ્કેલ હોય છે? અથવા એવું ક્યારેય બન્યું છે કે, આ શરતોને કારણે તમારે તક ગુમાવવી પડી હોય.

'હું કિસિંગ સીન નહીં કરું'

અભિનેત્રીએ કહ્યું કે, 'હું મારી 35મી ફિલ્મ કરી રહી છું અને હજુ પણ ત્યાં જ ઉભી છું. સારા અભિનેતાને હંમેશા કામ મળશે. મને નથી લાગતું કે મેં મારી આખી કારકિર્દીમાં એવી કોઈ તક ગુમાવી હોય જેમાં કિસિંગ સીન હોય. કિસિંગ સીન કે ઈન્ટીમેટ સીન અંગે મેં હંમેશા મારા દિગ્દર્શકો અને ફિલ્મ નિર્માતાઓને કહ્યું છે કે, હું કિસિંગ કે ઈન્ટીમેટ સીન નહીં કરું કારણ કે હું તેમાં કમ્ફર્ટેબલ નથી.

સોનાક્ષીએ આગળ કહ્યું કે, 'જો તમને મારી સાથે કામ કરવાનું સારું લાગે અને જો તમને લાગે કે, હું એક એક્ટર તરીકે ફિલ્મમાં કંઈક સારું કરી શકું તો મારી સાથે કામ કરો, નહીં તો તમે અન્ય કોઇને લઇ શકો છો, જે આ પ્રકારના સીનમાં કમ્ફર્ટેબલ હોય, ઓપ્શન હંમેશા ઓપન રહેશે. કોઇના વિના કોઇ કામ અધુરુ રહેતું નથી.  

સંજય લીલા ભણસાલીનો આભાર માન્યો

આ સિવાય સોનાક્ષીએ વાતચીતમાં સંજય લીલા ભણસાલી વિશે પણ વાત કરી અને તેમનો આભાર માન્યો. એકટ્રેસે કહ્યું કે, 'હીરામંડી પછી મારામાં વધુ આત્મવિશ્વાસ આવી ગયો છે. કારણ કે તેમાં કામ કરવું ઘણું મુશ્કેલ હતું. સંજય સર એવી વ્યક્તિ છે જે તમને પડકાર આપે છે અને તમને તમારા શ્રેષ્ઠ બનવા માટે પ્રેરણા આપે છે. તેણે મારી સાથે પણ એવું જ કર્યું. હીરામંડીમાં મેં એવી અદ્ભુત અભિનેત્રીઓ સાથે કામ કર્યું જેની પાસેથી મને કંઈકને કંઇક શીખવા મળ્યું છે.