Watch : પૂનમ પાંડેનો અંતિમ વીડિયો આવ્યો સામે, નિધનના 3 દિવસ પહેલાં એક ઇવેન્ટમાં પહોંચી હતી એકટ્રેસ

નવી મુંબઇ,તા. 2 ફેબ્રુઆરી 2024, શુક્રવાર 

અભિનેત્રી અને મોડેલ પૂનમ પાંડે નું 32 વર્ષની ઉંમરે સર્વાઇકલ કેન્સર ને કારણે અવસાન થયું છે. પૂનમના ઈન્સ્ટાગ્રામ એકાઉન્ટ પર એક્ટ્રેસના મોતના સમાચાર શેર કરવામાં આવ્યા છે. પૂનમના અચાનક મોતના સમાચારે દરેકને ચોંકાવી દીધા છે. 

પૂનમ પાંડેના ઈન્સ્ટાગ્રામ એકાઉન્ટ પર શેર કરવામાં આવેલી પોસ્ટમાં લખ્યુ છે, ''આ સવાર અમારા માટે મુશ્કેલ છે. તમને એ જણાવતા ખૂબ દુ:ખ થઈ રહ્યુ છે કે અમે સર્વાઈકલ કેન્સરના કારણે પોતાની વ્હાલી પૂનમને ગુમાવી દીધી છે. તેમના સંપર્કમાં આવનાર દરેક વ્યક્તિ તેમને પ્રેમથી મળ્યા. દુ:ખના આ સમયમાં અમે પ્રાઈવસીની વિનંતી કરીશુ. અમે તેમને અમારા દ્વારા શેર કરવામાં આવેલી દરેક વાત માટે પ્રેમપૂર્વક યાદ કરીશુ.''

જોકે, પૂનમ પાંડે સોશિયલ મીડિયા પર ઘણી એક્ટિવ રહેતી હતી. તેણે ત્રણ દિવસ પહેલા એટલે કે 29 જાન્યુઆરીએ એક ઇવેન્ટનો વીડિયો પોસ્ટ કર્યો હતો.

આ વીડિયો ક્રૂઝ પરનો છે. આ વીડિયોમાં પૂનમ બ્લેક લેધર લુક ટ્રાઉઝર અને વ્હાઇટ ટોપ પહેરેલી જોવા મળી હતી. 

એકટ્રેસના નિધનની પોસ્ટ પર યુઝર્સ એમ પણ કહી રહ્યાં છે કે, તેમનું એકાઉન્ટ હેક થઇ ગયુ લાગે છે,તો ઘણા યુઝર કહી રહ્યાં છે કે, વિશ્વાસ નથી કરી શકતો કે આ સાચા સમાચાર છે. ત્રણ દિવસ પહેલા જ તેમની પોસ્ટ આવી હતી. ફેન્સ પૂનમના નિધન પર શોક વ્યક્ત કરતા જોવા મળ્યા તેમજ તેમની આત્માને શાંતિ આપે તેવી પ્રાર્થના કરી રહ્યા છે. તમને જણાવી દઈએ કે પૂનમનું મોત સર્વાઈકલ કેન્સરથી થયું હતું. આ પહેલા પૂનમની બીમારીના કોઈ સમાચાર નહોતા.