Pushpa 2 Trailer : 'પુષ્પા 2 : ધ રૂલ'નું ટ્રેલર રિલીઝ, લાખો ફેન્સની હાજરીમાં કરાયું લોન્ચ

Pushpa 2 Trailer Release : આજે (17 નવેમ્બર) સુપરસ્ટાર અલ્લૂ અર્જુન અને સુકુમારની પેન-ઈન્ડિયા એક્શન ડ્રામા ફિલ્મ 'પુષ્પા 2 : ધ રૂલ'નુ ટ્રેલર લોન્ચ કરાયું છે. બિહારના પટનામાં ભવ્ય પ્રચાર કાર્યક્રમ દરમિયાન સાંજે 06:03 વાગ્યે ટ્રેલર લોન્ચ કરી દેવાયું છે. જેમાં પુષ્પા 2ની સમગ્ર ટીમ પણ પહોંચી હતી. અહીં પર મોટી સંખ્યામાં ફેન્સ પહોંચ્યા હતા. જણાવી દઈએ કે, આ ફિલ્મ આગામી 5 ડિસેમ્બરના રોજ સિનેમાઘરોમાં રિલીઝ થવા જઈ રહી છે.

પટનામાં લોન્ચ થયું 'પુષ્પા 2'નું ટ્રેલર

શત્રુઘ્ન સિન્હાએ ખુશી વ્યક્ત કરી

શત્રુઘ્ન સિન્હા બિહારના જ રહેવાસી છે, તેમણે પોતાની ખુશી વ્યક્ત કરતા જણાવ્યું કે, 'ભારતીય સિનેમાના લોકો બિહારને ગંભીરતાથી લઈ રહ્યા છે, જે ખુબ ખુશીની વાત છે. 'પુષ્પા' જેવી આટલી મોટી ફિલ્મે બિહારના પટનામાં પોતાનું ટ્રેલર લોન્ચ કરવા માટે પસંદ કરાયું.'

'પુષ્પા 2' માટે અલ્લૂ અર્જુને એક પણ રૂપિયો ફી લેવાની ના પાડી

સુપરસ્ટાર અલ્લૂ અર્જુનની પુષ્પા-2ને લઈને ફિલ્મને લઈને ફેન્સમાં ખુબ ઉત્સુક્તા છે. એવી માહિતી સામે આવી હતી કે, 'પુષ્પા-2: ધ રૂલ' માટે અલ્લૂ અર્જુન કોઈ ફી નથી લઈ રહ્યા. રિપોર્ટ્સના અનુસાર, પુષ્પા 2 માટે અલ્લૂ અર્જુને એક પણ રૂપિયો ફી લેવાની ના પાડી દીધી છે. સાથે જ એવો દાવો કરી રહ્યા છે કે, પુષ્પા 2 માટે અલ્લૂ અર્જુને મેકર્સની સામે ફાઈનલ રેવેન્યૂમાં મોટો મોટો ભાગ માગ્યો છે.

ફી નહીં ટોટલ રેવેન્યૂથી ભાગ લેશે અલ્લૂ અર્જુન

રિપોર્ટ્સ અનુસાર, પુષ્પા 2 માટે અલ્લૂ અર્જુન કોઈપણ ફી નથી લઈ રહ્યા. કહેવામાં આવી રહ્યુ છે કે, તેઓ પુષ્પાની મચ અવેટેડ સીક્વલ માટે ફાઈનલ રેવેન્યૂથી 33 ટકા ભાગ લેશે. સમાચારનું માનીએ તો પુષ્પા 2ની જેટલી પણ કમાણી થશે ભલે તેઓ ઓટીટી રાઈટ્સ હોય, સેટેલાઈટ રાઈટ્સ કે થિયેટરથી. તે તમામને મિલાવીને જે પણ અમાઉન્ટ બનશે તેના 33 ટકા અલ્લૂ અર્જુન લેશે. જોકે, આ માત્ર વાયરલ રિપોર્ટ્સ છે, જેના પર ફિલ્મ મેકર્સ કે એક્ટરે કોઈપણ રીતનું કન્ફર્મેશન નથી આપ્યું.

ફિલ્મ 5 ડિસેમ્બરે થશે રિલીઝ

પુષ્પા 2ની વાત કરીએ તો ફિલ્મમાં અલ્લૂ અર્જુન સિવાય ફહાદ ફાસિલ, રશ્મિકા મંદાના, સુનિલ, પ્રકાશ રાજ, જગપતિ બાબૂ સહિત કેટલાક સ્ટાર્સ લીડ રોલમાં નજરે આવશે. ફિલ્મ મૈત્રી મૂવી મેકર્સ બેનર હેઠળ બની છે. પુષ્પા 2 સિનેમાઘરોમાં 5 ડિસેમ્બર 2024ના રોજ રિલીઝ થશે.

જણાવી દઈએ કે, પુષ્પાનો પહેલો પાર્ટ એટલે પુષ્પાઃ ધ રાઈઝ સિનેમાઘરોમાં વર્ષ 2021માં રિલીઝ થઈ હતી. ફિલ્મે બોક્સ ઓફિસ પર તાબડતોબ કમાણી કરી હતી.