છૂટાછેડાની અફવા વચ્ચે સૂચક ટાઈટલ અભિષેકની નવી ફિલ્મનું ટાઈટલ, આઈ વોન્ટ ટૂ ટોક

- શૂજિત સરકારે બનાવેલી  ફિલ્મ આગામી નવેમ્બરમાં રીલિઝ કરાશે

મુંબઇ : અભિષેક બચ્ચન ઐશ્વર્યા રાય સાથે છૂટાછેડા લઈ રહ્યો હોવાની ચર્ચા છે અને બીજી તરફ તેના અને નિમ્રત કૌર વચ્ચે અફેરની ચર્ચા ચગી છે. તેવા સમયે જ તેની આગામી ફિલ્મનું નવું ટાઈટલ પણ 'આઈ વોન્ટ ટૂ ટોક' એવું સૂચક જાહેર થયું છે. 

શૂજિત સરકાર અને અભિષેક બચ્ચને આ ફિલ્મનું ટીઝર રીલિઝ કર્યું હતું. તે પછી લોકોએ જાત ભાતની કોમેન્ટ કરી હતી. કેટલાકે એવી ટિપ્પણી કરી હતી કે કદાચ જાત જાતની અફવાઓ બાદ અભિષેક કાં તો ઐશ્વર્યા સાથે અથવા તો તેના ચાહકો સાથે વાત કરવા માગે છે. 

ફિલ્મ આગામી ૨૨મી નવેમ્બરે રીલિઝ થવાની છે. જોકે, તેની કાસ્ટ તથા અન્ય બાબતોની વિગતો હજુ જાહેર કરાઈ નથી. 

શૂજિત સરકાર અગાઉ 'વિકી ડોનર',' પીકુ', 'મદ્રાસ કેફે' સહિતની ફિલ્મો બનાવી ચૂક્યા છે.