જામનગરમાં અંબાણીને ત્યાં આમિર, શાહરૂખ અને સલમાને એકસાથે નાટુ નાટુ ગીત પર ડાન્સ કર્યો

Anant-Radhika Pre Wedding : જામનગરના ખાવડી ખાતે અનંત અંબાણી અને રાધિકા મર્ચન્ટના પ્રિ-વેડિંગ ફંક્શનમાં બીજા દિવસે ઝગમગાટ જોવા મળ્યો હતો. પ્રિ-વેડિંગ ફંક્શનના પહેલા દિવસે કોકટેલ પાર્ટી યોજાઈ હતી, જ્યારે બીજા દિવસે સંગીત સેરેમની યોજાઈ હતી, જેમાં બોલિવૂડ સ્ટાર્સે જૂદા જૂદા ગીત પર ડાન્સ કર્યો હતો. આ સંગીત સેરેમનીમાં ત્રણેય ખાન પણ ખૂબ મસ્તીમાં જોવા મળ્યા હતા અને ત્રણેય ખાને ડાન્સ પણ કર્યો હતો.

ત્રણેય ખાને નાટુ નાટુ ગીત પર ડાન્સ કર્યો

અનંત અંબાણી અને રાધિકા મર્ચન્ટના પ્રિ-વેડિંગ ફંક્શનમાં બોલિવૂડના ત્રણેય ખાને એકસાથે  પરફોર્મ કર્યું હતું. આમિર, શાહરૂખ અને સલમાને એકસાથે RRR ફિલ્મનું પ્રખ્યાત ગીત નાટુ નાટુ પર ડાન્સ કર્યો હતો. આ ઉપરાંત ત્રણેય ખાને રામચરણ અને જુનિયર એનટીઆરની જેમ હૂક સ્ટેપ કરવાનો પણ પ્રયાસ કર્યો હતો. આ પછી સલમા ખાન પોતાના ગળામાંથી દુપટ્ટો કાઢીને તેનો સિગ્નેચર સ્ટેપ 'જીને કે હૈ ચાર દિન' કર્યો હતો, જેને શાહરૂખ અને આમિર પણ ફોલો કર્યો હતો. આ ડાન્સનો વીડિયો સોશિયલ મીડિયા પણ ખૂબ વાયરલ થઈ રહ્યો છે. આ પહેલા ત્રણેય ખાન એકસાથે ડાન્સ કરતા હોય તેવું લગભગ ક્યારેય બન્યું નથી. 

સલમાન-શાહરુખે પોતપોતાના સ્ટેપ કર્યા

આ પછી સલમાન ખાને આમિર ખાનની 'મસ્તી કી પાઠશાલા'નો ડાન્સ કર્યો હતો. આવી રીતે એક પછી આમિરે અને શાહરૂખે પણ જુદા-જુદા સ્ટેપ કરીને ડાન્સ કર્યો હતો. ત્રણેય ખાન સ્ટેજ પરથી જતા પહેલા  રાધિકા અને અનંત સહિત આખા અંબાણી પરિવારને પણ પરફોર્મ કરવા માટે સ્ટેજ પર બોલાવે છે. ઉલ્લેખનીય છે કે શુક્રવારથી શરુ થયેલા આ પ્રિ-વેડિંગ ફંક્શનમાં બોલિવૂડ-હોલિવૂડ, દેશ-વિદેશના જાણીતા ઉદ્યોગપતિઓ, રમત-ગમત જગતની હસ્તીઓ પણ હાજર થવા જામનગર પહોંચી છે.