કોલ્ડપ્લેના કોન્સર્ટ માટે બુકિંગ શરૂ થતાં પહેલા જ 1 લાખ લોકો લાઈનમાં, ટિકિટનો મહત્તમ ભાવ 12,500

ColdPlay Concert In Ahmedabad: અમદાવાદમાં નરેન્દ્ર મોદી સ્ટેડિયમમાં 25 જાન્યુઆરી 2025ના રોજ બ્રિટિશ બેન્ડ કોલ્ડ પ્લેનો લાઈવ કોન્સર્ટ યોજાવાનો છે. આ કોન્સર્ટ માટેનું બુકિંગ 16 નવેમ્બર ને શનિવારે બપોરના 12:00 વાગ્યાથી શરૂ થાય એ પહેલાં જ ટિકિટ સેલ માટેના એલર્ટ માટે પડાપડી થવા માંડી છે.

બુકિંગ શરૂ થતાં પહેલા જ 1 લાખ લોકો લાઈનમાં

બુક માય શૉ દ્વારા શુક્રવારે બપોરે ટિકિટના વેચાણની જાહેરાત કરાઈ હતી અને શુક્રવાર રાત સુધીમાં જ લગભગ 1 લાખ લોકોએ બુક માય શૉ પર ટિકિટની ખરીદીમાં રસ બતાવી દીધો હતો. આજ બપોર સુધીમાં આ આંકડો વધીને બે લાખને પાર થઈ જવાની શક્યતા છે.

આ પણ વાંચો: VIDEO : સલમાન ખાને જાણીતા બિઝનેસમેનનો ઉધડો લીધો, પૂછ્યું - યે દોગલાપન ક્યા હૈ? ફેન્સ ચોંક્યા

કોલ્ડપ્લેનો યંગસ્ટર્સનો ઝબરદસ્ત ક્રેઝ 

નરેન્દ્ર મોદી સ્ટેડિમમાં 25 જાન્યુઆરીએ યોજાનારા આ શૉ માટે ઓછામાં ઓછો ટિકિટનો ભાવ 2500 રૂપિયા જ્યારે મહત્તમ ભાવ 12,500 રૂપિયા છે પણ યંગસ્ટર્સમાં કોલ્ડપ્લેનો એવો જબરદસ્ત ક્રેઝ છે કે, યંગસ્ટર્સ ગ્રુપ્સ બનાવીને ગમે તે રીતે ટિકિટનું બુકિંગ કરવાની તૈયારી કરીને બેઠા છે. યંગસ્ટર્સનો ક્રેઝ જોતાં આજે સાઈટ ક્રેશ થઈ જવાની આશંકા પણ વ્યક્ત કરાઈ રહી છે. 

સ્ટેડિયમ 1 લાખ લોકોની કેપેસિટી ધરાવે છે 

નરેન્દ્ર મોદી સ્ટેડિયમમાં 10 અલગ અલગ પ્રકારના સ્ટેન્ડ દર્શકો માટે બનાવાયા છે. સ્ટેડિયમમાં લાઈવ કોન્સર્ટ માટેની કેપેસિટી 1 લાખ જેટલી છે તે જોતાં બુકિંગ શરૂ થયાની મિનિટોમાં જ તમામ ટિકિટો વેચાઈ જશે એવું લાગે છે.