અન્ય સાથે પ્રેમ સંબંધની શંકામાં પ્રેમીએ પ્રેમિકાને કેરોસીન નાખી જીવતી સળગાવતા મોત

image : Freepik
- કતારગામ લલીતા ચોકડીની ઘટના : કતારગામ પોલીસે પ્રેમી શંભુ આડાની ધરપકડ કરી 

સુરત,તા.19 ફેબ્રુઆરી 2024,સોમવાર 

સુરતના કતારગામ લલીતા ચોકડી વિસ્તારમાં ગતરાત્રે અન્ય સાથે પ્રેમ સંબંધની શંકામાં પ્રેમીએ પ્રેમિકાને કેરોસીન નાખી જીવતી સળગાવતા મોત નીપજ્યું હતું. કતારગામ પોલીસે પ્રેમિકાની હત્યા કરનાર પ્રેમીની ધરપકડ કરી છે.

પોલીસ સૂત્રો દ્વારા પ્રાપ્ત થતી વિગતો મુજબ કતારગામ લલીતા ચોકડી વિસ્તારમાં ગતરાત્રે શંભુ આડા નામની વ્યક્તિએ તેની પ્રેમિકા રાધા અન્ય સાથે પણ પ્રેમ સંબંધ રાખે છે તેવી શંકામાં તેના પર કેરોસીન નાંખી જીવતી સળગાવી હતી. ગંભીર રીતે દાઝેલી રાધાનું મોત નીપજ્યું હતું. બનાવની જાણ થતા કતારગામ પોલીસે હત્યાનો ગુનો નોંધી શંભુ આડાની ધરપકડ કરી વધુ તપાસ હાથ ધરી છે.