સુરત: યશપાલ સોલંકી લોકરક્ષક દળની પરિક્ષા આપવા માટે સુરત આવ્યો હતો, CCTV કેમેરામાં કેદ

સુરત, તા. 6. ડિસેમ્બર 2018 ગુરુવાર 

લોકરક્ષક ભરતીબોર્ડની પરીક્ષાનું પેપર લિંક થવાના કૌભાંડનો મુખ્ય સૂત્રધાર યશપાલ સોલંકી સુરત પરીક્ષા આપવા આવ્યો હતો. અને સીસીટીવી કેમેરા માં કેદ થયો છે.

 રાજ્યભરમાં બહુ ગાજેલા કૌભાંડમાં ભાગતો ફરતો આરોપી યશપાલ સોલંકી પકડાયા બાદ જે હકીકતો સામે આવી છે. તે મુજબ યશપાલ સુરતના અલથાણ વિસ્તારની સોગાયો કેળવણી 

મંડળ સંચાલિત શ્રી દયાળજી કરસનજી ભટરકાર વિદ્યાસંકુલના પરીક્ષા કેન્દ્રમાં પરીક્ષા આપવા આવ્યો હતો. અને પરીક્ષા ખંડમાં પણ બેઠો હતો. પરંતુ જેવી પેપર લિંક થયાની માહિતી બહાર આવી કે તરત જ બહાર નીકળી ગયો હતો. પરીક્ષા કેન્દ્રમાંથી બહાર નીકળીને બસ માં બેસીને વડોદરા ચાલ્યો ગયો હોવાની માહિતી સાંપડી છે

યશપાલ સોલંકી વડોદરાથી સુરત આવ્યા બાદ જે પરીક્ષા કેન્દ્રમાં પરીક્ષા આપવા આવ્યો હતો તે કેન્દ્રના સીસીટીવી ફુટેજમાં ઝડપાયો છે.