આજથી સુરત પાલિકા સંચાલિત સંજીવ કુમાર નાટ્ય સ્પર્ધા વરાછાના સરદાર સ્મૃતિ ભવનમાં શરૂ થશે

- આજથી શરૂ થયેલી નાટ્ય સ્પર્ધા 11 ઓક્ટોબરે પુરી થશે : આવતા વર્ષે સુરત પાલિકાની નાટ્ય સ્પર્ધાને 50 વર્ષ પુરા થશે

સુરત,તા.3 ઓક્ટોબર 2023,મંગળવાર

સુરત મહાનગરપાલિકા દ્વારા સુરતના કલાકારોને પ્રોત્સાહન મળે તે માટે વર્ષોથી નાટ્ય સ્પર્ધા નું આયોજન કરવામા આવે છે. પાલિકાની આ નાટ્ય સ્પર્ધા સંજીવ કુમાર નામ સાથે જોડવામા આવી છે. જોકે, આ વર્ષે સંજીવ કુમાર નાટ્ય સ્પર્ધા સંજીવ કુમાર ઓડિટોરીયમ ને બદલે વરાછા ખાતે આવેલા સરદાર સ્મૃતિ ભવન ખાતે યોજાશે. સુરત પાલિકાની નાટ્ય સ્પર્ધા આજથી શરુ થશે તે 11 ઓક્ટોબર વચ્ચે થશે જેમાં નવ નાટક ભજવવા મા આવશે.

સુરત પાલિકા દ્વારા છેલ્લા 49 વર્ષોથી નાટ્ય સ્પર્ધા નું આયોજન કરવામા આવે છે. આ વર્ષે પાલિકા દ્વારા આયોજીત સંજીવકુમાર નાટ્ય સ્પર્ધામાં ભાગ લેવા માટે સુરત શહેરની ૧૦ નાટૂય સંસ્થાઓએ પોતાની કૃતિ રજુ કરી હતી. 27 ઓગસ્ટના રોજ સુરતના પાલ ખાતેના પર્ફોમિંગ આર્ટ સેન્ટર ખાતે સ્કુટીની કરવામાં આવી હતી જેમાંથી 9 નાટકોની પસંદગી નાટ્ય સ્પર્ધા માટે કરવામા આવી છે.આજે સરદાર સ્મૃતિ ભવન માં પહેલા નાટક સાથે નાટ્ય સ્પર્ધા ની શરૂઆત થશે આગામી 11 ઓક્ટોબરના રોજ નાટ્ય સ્પર્ધા પૂરી થશે અને તે જ દિવસે સ્પર્ધાનું પરિણામ જાહેર કરીને વિજેતાઓને પારિતોષિક આપવામાં આવશે. 

આજથી આ નાટક સરદાર સ્મૃતિ ભવનમાં રજુ થશે