સુરતના ચોક-કતારગામ વિસ્તારમાં શ્રાવણીયો જુગાર રમતા 16 ઝડપાયા : રોકડા રૂ.40,330 કબજે

Surat Gambling News : સુરતના ચોક-કતારગામ વિસ્તારમાં શ્રાવણીયો જુગાર રમતા 16 જુગારીઓને ચોકબજાર અને કતારગામ પોલીસે ઝડપી પાડી તેમની પાસેથી રોકડા રૂ.40,330 કબજે કર્યા હતા. ઝડપાયેલાઓમાં આઠ રત્નકલાકાર, ત્રણ નિવૃત્ત, ફોટોગ્રાફર વિગેરેનો સમાવેશ થાય છે.

પોલીસ સૂત્રો દ્વારા પ્રાપ્ત થતી વિગતો મુજબ મળેલી બાતમીના આધારે ચોકબજાર પોલીસે ગતરાત્રે કતારગામ દરવાજા કુબેરનગર સોસાયટી વિભાગ 1 પ્લોટ નં.બી/80 ના પાર્કીંગમાં રેઈડ કરી ત્યાં જુગાર રમતા આઠ રત્નકલાકાર રાજુભાઇ લક્ષ્મણભાઇ વસાણી, વિજયભાઇ બાબુભાઇ મકવાણા, મહેશભાઇ ધારશીભાઇ મેટાળ, ગોપાલ બચુભાઇ વસાણી, ભરતભાઇ દેવજીભાઇ શેખ, વિજયભાઇ માધુભાઇ ડેરવાળીયા, દિનેશભાઇ વિરસિંગભાઇ સોલંકી અને જયપાલ ગણપતભાઇ ખાટને ઝડપી પાડી તેમની પાસેથી રોકડા રૂ.12,700 કબજે કર્યા હતા. કતારગામ પોલીસે ગતસાંજે ફુલપાડા બોરડી ફળિયા ઘર નં.2/40 ના પાર્કીંગ પાસે જુગાર રમતા નિવૃત્ત રાજેશભાઇ વસંતભાઇ પટેલ, રમેશભાઇ કુરજીભાઇ પટેલ, મનહરલાલ દયાળજી પટેલ અને મશીન રીપેરીંગનું કામ કરતા રમેશભાઇ મોહનભાઇ સિહોરાને ઝડપી પાડી તેમની પાસેથી રોકડા રૂ.13,130 કબજે કર્યા હતા.

કતારગામ પોલીસે જ ગતસાંજે ગોટાલાવાડી રેલરાહત કોલોનીમાં મહાકાળી મંદિરની સામેની ગલીમાં જાહેરમાં જુગાર રમતા શ્રમજીવી સુરેશભાઇ પ્રેમજીભાઇ સોસા, નરેશભાઇ કાળુભાઇ પરમાર, રીક્ષા ડ્રાઈવર વિનોદભાઇ દુલાભાઇ ગોહિલ અને ફોટોગ્રાફર નિકુંજ નટુભાઇ પ્રજાપતિને ઝડપી પાડી તેમની પાસેથી રોકડા રૂ.14,500 કબજે કરી વધુ કાર્યવાહી હાથ ધરી હતી.