'નાગિન'માં તો શ્રધ્ધા કપૂર જ! પટકથા તૈયાર કરતાં ત્રણ વર્ષ થયાં : નિખિલ દ્વિવેદી

બોલિવુડની સફળ અભિનેત્રીઓમાં શ્રધ્ધા કપૂરનું નામ પણ લેવામાં આવે છે અને અત્યારે તો શ્રધ્ધા કપૂર 'સ્ત્રી-૨ : સરકટે કા આતંક'ને મળેલી જબરદસ્ત સફળતાને માણી રહી છે અને અત્યંત ખુશખુશાલ મૂડમાં છે. 'સ્ત્રી-૨' ફિલ્મ તો ૨૦૨૪માં સૌથી વધુ આવક રળનારી ફિલ્મ સાબિત થઈ છે. આ પ્રસંગે નિર્માતા નીખિલ દ્વિવેદીએ થોડા વર્ષો પહેલા કહેલી વાત યાદ આવે છે. તેમણે કહ્યું હતું કે તેમનો આગામી પ્રોજેક્ટ 'નાગિન' છે. જેમાં શ્રધ્ધા કપૂરને ચમકાવવામાં આવશે. આમ છતાં કેટલીક અફવાને કારણે એવું જાણવા મળ્યું કે 'મોટા બજેટ'ને કારણે ફિલ્મને અભરાઈ પર ચડાવી દેવામાં આવી છે.

હવે, નિખિલ દ્વિવેદીએ એ વાતને સમર્થન આપ્યું છે કે 'નાગિન' અંગે હજુ પણ કામ ચાલી રહ્યું છે અને ૨૦૨૫માં આ પ્રોજેક્ટ ફ્લોર પર જાય એવી શક્યતા છે. નિર્માતાએ એ વાતને સમર્થન આપ્યું છે કે ફિલ્મની પટકથા તૈયાર થઈ ગઈ છે અને એ માટે ત્રણ વર્ષનો સમય લાગ્યો છે. 'અમે ત્રણવાર સુધારોવધારો કરીને પટકથા તૈયાર કરી છે, જે સંપૂર્ણ રીતે તૈયાર છે અને હવે અમે કહી શકીએ કે તે સંપૂર્ણપણે તૈયાર છે.'

વધુમાં તેમણે જણાવ્યું કે 'નાગિન'નો બ્રાન્ડ ન્યુ-પ્રોજેક્ટ છે અને તેને અગાઉના પ્રોજેક્ટસ સાથે કશું જ લાગતુંવળગતું નથી.

ભારતીય લોકકથાઓ ખરેખર વિવિધ રસપ્રદ આઇડિયાથી ભરપુર છે. અમને તો એ વાતથી ખૂબ જ ઉત્સાહિત છીએ કે વાર્તામાં જ્યારે કોઈ સ્પાઈડર માણસને કરડે છે ત્યારે તે સ્પાઈડરમેન બની જાય છે, પરંતુ આપણે સાપમાં પરિવર્તિત થતી સ્ત્રીને નીચી નજરથી જોઈએ છીએ. અમને એક તક આપો. અમે તેને તેના માથા પર ફેરવીશું અને તમે એક અલૌકિક અને અદ્ભુત ફિલ્મ નિહાળશો.'

શ્રધ્ધા કપૂરની ફિલ્મ અંગે પ્રથમ પ્રતિક્રિયા અંગે જણાવતા નિખિલ દ્વિવેદીએ કહ્યું, 'એ ો આ વિચાર પર આવાક્ બની ગઈ અને પ્રોજેક્ટ કરવા તૈયાર થઈ ગઈ. 'નાગિન' એક રોમાંચક ફિલ્મ બની રહેશે અને શ્રધ્ધા કપૂર તો એક અદ્ભુત અભિનેત્રી છે.'

૨૦૨૦માં તેણે (એકતા કપૂરે) 'નાગિન' બનવા માટે ઉત્તેજના વ્યક્ત કરી હતી અને 'એક્સ' પર લખ્યું હતું, 'સ્ક્રીન પર નાગિનનું પાત્ર ભજવવું મારા માટે અત્યંત આનંદની વાત છે. હું શ્રીદેવી મેડમની 'નગીના' અને 'નિગાહંે' ફિલ્મો જોઈ છે. હું તો તેમની પ્રશંસા કરતી અને વખાણ કરતી મોટી થઈ છું. હું તો હંમેશા ભારતીય પરંપરાગત લોકકથાઓમાં જોડાયેલી સમાન ભૂમિકા ભજવવા ઉત્સુક રહું છું,' એમ શ્રધ્ધા કપૂરે જણાવ્યું હતું.