'શ્રીમદ્ રામાયણ'ના રામ : મને સોશિયલ મીડિયાની જરૂર નથી

અત્યારે સમય એવો છે કે સોશિયલ મીડિયા પર રહેવું લગભગ અનિવાર્ય બની ગયું છે. તેમાંય કલાકારો માટે તો આ બાબત ફરજિયાત છે. જોકે અભિનેતા સુજય રેઉ તો આ માધ્યમથી દૂર જ રહ્યો છે અને તે સોશિયલ મીડિયાથી દૂર છે, તેનો તેને ભરપૂર આનંદ છે.

સુજય રેઉ કહે છે, 'હું એક લૉ-પ્રોફાઈલ વ્યક્તિ છું અને સોશિયલ મીડિયાનો પ્રશંસક નથી. સોશિયલ મીડિયા હજુ સુધી મને આકર્ષિત નથી કરી શક્યું. અરે, કેટલાકને તો આ વાતનો વિશ્વાસ કરવો મુશ્કેલ લાગે છે અને તેમને લાગે છે કે લોકોને અનુસરવા માટે મારી પાસે એક અનામી એકાઉન્ટ હોઈ શકે છે! મારી પાસે એવું કશું જ નથી. હું જેની પ્રશંસા કરું છું તેની ઇન્સ્ટાગ્રામ પ્રોફાઈલ અથવા ચિત્રો બ્રાઉઝ કરવાની જરૂર નથી. હું ઇન્ટરનેટ પર તેમના વિશે જરૂરી માહિતી એકત્રિત કરી શકું છું. આ ઉપરાંત મને લાગે છે કે સોશિયલ મીડિયા પર ઘણું ઝેર છે અને તેનાથી દૂર રહેવું મારા માનસિક અને શારીરિક સુખાકારીમાં ફાળો આપે છે.'

કામની વાત કરીએ તો સુજય અત્યાર સુધી 'રામ મિલાઈ જોડી', 'તંત્ર', 'બાલશિવ', 'હમ રહે ના રહે હમ' જેવા અનેકવિધ શોઝનો હિસ્સો બની ચૂક્યો છે અને હવે 'શ્રીમદ્ રામાયણ'માં ભગવાન રામ તરીકે જોવા મળે છે. આ સંદર્ભે સુજય કહે છે, 'આ તો જીવનભરનો અમૂલ્ય અવસર છે. હું મારા મનમાં ઉત્પન્ન થતાં ઘોંઘાટને સમાવીને અને રામનું પાત્ર ભજવનારા અગાઉના કલાકારો સાથે સામ્ય ટાળવા માટે હું ખાતરીપૂર્વક ભૂમિકા ભજવવાનો શ્રેષ્ઠ પ્રયાસ કરું છું. હું અસુરક્ષિત નથી.' 

ઘણીવાર ટીવી-કલાકારો પ્રોજેક્ટ્સ પર હારી જતા હોય છે. સોશિયલ મીડિયા પર ઓછા ફોલોઅર્સને કારણ પ્રોજેક્ટ્સ ગુમાવવાની ફરિયાદ કરે છે. આ અંગે તારું શું કહેવું છે? સુજયે જણાવે છે, 'ચોક્કસ ઓટીટી પ્લેટફોર્મ્સ અને શો  યોગ્ય ઇન્સ્ટાગ્રામ અનુસરણને પ્રાથમિકતા આપે છે. કદાચ હું તેનાથી પ્રભાવિત થયો હોઈશ. જોકે જો તે જરૂરી હોય તો હું પ્રોજેક્ટ્સ ગુમાવવા વિશે અસુરક્ષિત નથી. હું માનું છું કે જો તમે તમારા કામ પ્રત્યે નિષ્ઠાવાન છો અને તેમાં સારા છો, લોકો તમને વહેલા કે પછી નોટિસ તો જરૂર કરશે.'