SOCIAL સર્કલ .

તુમ બડે... વો હો!

'હીરામંડી'માં પોતાની ગજગામિની ચાલ દ્વારા ઇન્ટરનેટમાં ભૂકંપ મચાવી દેનાર ખૂબસૂરત અદિતી રાવ હૈદરી આખરે મલપતી મલપતી પોતાના પિયાને ઘર પહોંચી ગઈ છે. સાદી ભાષામાં કહીએ તો, સાઉથ ઇન્ડિયન સુપરસ્ટાર સિદ્ધાર્થ સાથે તાજેતરમાં પરંપરાગત વિધિથી એનાં લગ્ન તાજેતરમાં સંપન્ન થયાં છે. સિદ્ધાર્થને આપણે 'રંગ દે બસંતી'માં સોલિડ રોલમાં જોયો છે. ઇન્સ્ટાગ્રામ પર શેર થયેલી તસવીરોમાં વરઘોડિયા એવા સુંદર દેખાય છે કે જોતાં જ રહીએ. ઓલ ધ બેસ્ટ, અદિ-સિદ્! અદિતી વત્તા સિદ્ધાર્થનું સંયુક્ત નામ 'અદિ-સિદ્' એમના જેવું જ  ક્યુટ લાગે છે, નહીં? 

ડેડલી દિશા 

ભલે બોલિવુડમાં કે અન્યત્ર હિરોઈન તરીકે આજ સુધી કશુંય ઉકાળ્યું ન હોય, પણ દિશા પટણી સોશિયલ મીડિયાની દુનિયામાં દિશા પટણી ક્વીન છે. સોશિયલ મીડિયાની ગેમમાં ઉસ્તાદ બની ગયેલી દિશા એકલા ઇન્સ્ટાગ્રામ પર જ અધધધ ૬૧.૫ મિલિયન ફોલોઅર્સ છે. ૬ કરોડ ૧૫ લાખ! આટલી તો ટચુકડા દેશોની વસ્તી પણ હોતી નથી! આ તસવીર કોઈ અનડિસ્ક્લોઝ્ડ ફોરેન લોકેશન પર ખેંચવામાં આવી છે. લાલચટ્ટાક શોર્ટ ડ્રેસમાં દિશા કેવી કાતિલ દેખાય છે!

ડિયર ડેડી...

ઉંમર જેને આજ સુધી સ્પર્શી શકી નથી એવી બોલિવુડની અલ્ટ્રા ગ્લેમરસ પર્સનાલિટી મલાઇકા અરોરાના જીવનમાં તાજેતરમાં અતિ દુખદ બનાવ બની ગયો. એના ફાધર અનિલ અરોરાનું શંકાસ્પદ સ્થિતિમાં નિધન થઈ ગયું. દુખની આ ક્ષણોમાં એને હૂંફ આપવા એના ભૂતપૂર્વ પતિ અરબાઝ ખાન અને સાસરિયાઓ સહિત લગભગ આખું બોલિવુડ ઉમટી પડયું હતું. આ તસવીરમાં બાપ-દીકરીની એક વાત્સલ્યભરી ક્ષણ સુંદર રીતે કેપ્ચર થઈ છે. રેસ્ટ ઇન પીસ, સર...