આસમાને પહોંચ્યા ઘઉંના ભાવ, લોટ ખરીદવો પણ મોંઘો, જાણો ગુજરાત સહિતના રાજ્યોમાં ઘઉંની કિંમત

નવી દિલ્હી,તા.05 ફેબ્રુઆરી-2023, રવિવાર

ગત વર્ષે ઘઉંનું થયેલું ઓછું ઉત્પાદન અને રશિયા-યૂક્રેનના કારણે માંગ વધતા દેશમાં ઘઉંનો ભાવ સતત વધી રહ્યો છે. વર્ષભરમાં ઘઉંના ભાવ 16 ટકા વધ્યો છે અને હવે દેશના કેટલાક રાજ્યોમાં પ્રતિ ક્વિન્ટલ ઘઉંના ભાવ રૂપિયા 3000ને પાર થયા છે. બીજી તરફ પૂર્વ ભારતની APMCમાં ઘઉંનો સ્ટોક ખુબ જ ઓછો જોવા મળી રહ્યો છે. દેશભરમાં ઓછામાં ઓછા ટેકાના ભાવ (MSP)થી ઉપર ઘઉં વેચાઈ રહ્યા છે. ઘઉંની કિંમતો વધવાના કારણે ઘઉંના લોટનો ભાવ પણ વધી રહ્યો છે. છેલ્લા એક વર્ષમાં લોટનો ભાવમાં 19 ટકા જેટલો વધારો થતાં 35થી 40 રૂપિયે કિલો મળી રહ્યો છે.

કેટલાક રાજ્યોમાં ઘઉંની પ્રતિ ક્વિન્ટલ કિંમત રૂ.3000ને પાર

દિલ્હીમાં પ્રતિ ક્વિટર ઘઉંની કિંમત રૂ.3,044.50 પર પહોંચી ગઈ છે. તો ઉત્તર પ્રદેશમાં ઘઉંની કિંમત 3000 પ્રતિ ક્વિન્ટરને પાર પહોંચી ગઈ છે. ઘઉંનો સપ્લાય ઘટતા કિંમતોમાં વધારો થવાનું યથાવત્ છે. સરકાર દ્વારા ઓપન માર્કેટ સેલ સ્કીમ (OMSS) હેઠળ કિંમત સ્પષ્ટ ન હોવાથી પણ ઘઉંની કિંમતો વધી રહી છે. ઉલ્લેખનિય છે કે, 2023માં ઘઉંની પ્રતિ ક્વિન્ટર કિંમત ન્યૂનતમ ટેકાના ભાવ 2,125 રૂપિયા છે. 16 જાન્યુઆરી 2023ના રોજ APMCમાં  ઘઉંની કિંમતો પર નજર નાખીએ તો, ઈન્દોરમાં પ્રતિ ક્વિન્ટર ઘઉંની કિંમત રૂ.2800, કાનપુર APMCમાં ઘઉંની કિંમત 3000 રૂપિયા પ્રતિ ક્વિન્ટર, દિલ્હી APMCમાં 3044.50 રૂપિયા પ્રતિક્વિન્ટલ અને કોટામાં 2,687.50 રૂપિયા પ્રતિ ક્વિન્ટલે ઘઉં વેચાઈ રહ્યા છે.

ઘઉં કેમ મોંઘા થઈ રહ્યા છે ?

ઘઉંની વધતી કિંમતો અંગે જાણકારોનું કહેવું છે કે, ખુલ્લા માર્કેટમાંથી ઘઉંની સપ્લાય થઈ રહી નથી. પૂર્વ ભારતની APMCમાં ઘઉંની અછત છે. ઉત્તરપ્રદેશની APMCમાં પણ સ્ટોક ખુબ જ ઓછો છે. ઉત્તરપ્રદેશની APMCમાં ગુજરાતમાંથી ઘઉં આવી રહ્યા છે. હરિયાણા અને પંજાબમાં પણ જથ્થા બંધ વેપારી અને ખેડૂતો પાસે પણ ઘઉંનો સ્ટોક ઓછો છે. આવી સ્થિતિમાં ઓછા પુરવઠાના કારણે માંગ વધવાથી ઘઉંની કિંમતોમાં ઉછાળો જોવા મળી રહ્યો છે. હવે લોટ મિલોને પણ ઘઉં મેળવવામાં મુશ્કેલી પડી રહ્યી છે.

ગુજરાતની APMCમાં પ્રતિ ક્વિન્ટર ઘઉંની કિંમત (4 ફેબ્રુઆરી-2023)