Stock Market Boom: બીએસઈ માર્કેટ કેપ નવ માસમાં 100 લાખ કરોડ વધ્યુ, 400 લાખ કરોડ ક્રોસ

બીએસઈ માર્કેટ કેપના માઈલસ્ટોન

વિગત	માર્કેટ કેપ
માર્ચ-2014	રૂ. 100 લાખ કરોડ
ફેબ્રુઆરી-2021	રૂ. 200 લાખ કરોડ
જુલાઈ-2023	રૂ. 300 લાખ કરોડ
એપ્રિલ-2024	રૂ. 400 લાખ કરોડ

રોકાણકારોની મૂડી 57 ટકા વધીએપ્રિલ-23થી બીએસઈ ખાતે લિસ્ટેડ કંપનીઓની માર્કેટ કેપ રૂ. 145 લાખ કરોડ વધી છે. જે રોકાણકારોની મૂડીમાં 57 ટકા વૃદ્ધિ દર્શાવે છે. મજબૂત કોર્પોરેટ પરિણામો, પોઝિટીવ ઈન્વેસ્ટમેન્ટ સેન્ટિમેન્ટ, સ્થિર નીતિઓના કારણે તેજી, સ્થાનિક અને વિદેશી રોકાણમાં વૃદ્ધિ સહિતના પરિબળોના પગલે ભારતીય શેરબજારમાં આકર્ષક રિટર્ન જોવા મળી રહી છે. મીડકેપ અને સ્મોલ કેપ ઈન્ડેક્સ પણ એક વર્ષમાં ક્રમશઃ 60 ટકા અને 63 ટકા વધ્યા છે. જ્યારે લાર્જ કેપ ઈન્ડેક્સ 28.6 ટકા વધ્યો છે. ઓટો, રિયાલ્ટી, એનર્જી, ફાર્મા, ટેલિકોમ્યુનિકેશન્સ, ઈન્ફ્રા, ઓટો પીએસયુ શેરોમાં પણ મબલક ઉછાળો નોંધાયો છે.
વૈશ્વિક પરિબળો પણ સકારાત્મકઅમેરિકી શેરબજાર ગત સપ્તાહે ગ્રીન ઝોનમાં બંધ રહ્યુ હતું. જેની પાછળનું કારણ મજબૂત રોજગારી આંકડાઓ, આર્થિક સ્થિતિમાં સુધારો અને વ્યાજદરો સ્થિર રહેવાની શક્યતા સાથે આગામી સમયમાં ઘટાડાની તીવ્ર શક્યતાઓ છે. અમેરિકાની બેરોજગારીનો દર 3.8 ટકા ઘટ્યો છે. પગાર પણ વધ્યા છે. જે ઓવરઓલ સેન્ટિમેન્ટ પોઝિટીવ દર્શાવે છે.
મોતિલાલ ઓસ્વાલ સિક્યુરિટીઝના મતે, લોકસભા ચૂંટણી 2024ના અપેક્ષિત પરિણામો સાથે ભારતનો જીડીપી FY25/26 સુધીમાં 4 લાખ કરોડ ડોલરની સપાટી ક્રોસ કરે તેવો આશાવાદ છે.જે ભારતીય શેરબજારોને વેગ આપશે. ફાઈનાન્સિયલ સેક્ટર, ખાનગી રોકાણો, વપરાશ, રિયલ એસ્ટેટ અને ઈન્ફ્રાસ્ટ્રક્ચર ડેવલપમેન્ટ સહિતના સેક્ટર્સમાં ફોકસ રાખતાં મધ્યમ ગાળામાં તેજીની સંભાવના વધુ છે.