Paytm, IIFL Finance બાદ વધુ એક કંપની પર RBIની મોટી કાર્યવાહી, શેર 20 ટકા પણ તૂટ્યા

RBI Action : ભારતીય રિઝર્વ બેંક એક બાદ એક એવી ફાઇનાન્શિયલ કંપનીઓ પર કાર્યવાહી કરી રહી છે, જે નિયમોનું ઉલ્લંઘન કરી રહી છે. પહેલા પેટીએમની બેન્કિંગ યૂનિટ પેટીએમ પેમેન્ટ બેંકની સેવાઓ પર પ્રતિબંધ, પછી ગોલ્ડ લોન આપતી કંપની IIFL પર એક્શન બાદ હવે IPO લોન આપનારી ફાઈનાન્સ કંપની JM Financial પર કેટલાક પ્રકારના પ્રતિબંધ લગાવી દીધા છે. આરબીઆઈના એક્શન બાદ આ બંને કંપનીઓના શેર પણ પેટીએમની જેમ તૂટ્યા છે.

RBIના નિશાને આવી આ કંપની

સૌથી પહેલા વાત કરીએ RBIના નિશાને આવેલી કંપની જેએમ ફાઇનાન્શિયલ, જેના પર કેન્દ્રીય બેંકે ગત ટ્રેડિંગ દિવસ મંગળવારે તાત્કાલિક અસરથી તમામ પ્રકારના પ્રતિબંધ લગાવવાના આદેશ જાહેર કર્યા છે. RBIએ આ ફાઇનાન્શિયલ કંપની વિરૂદ્ધ કાર્યવાહી ગ્રાહકોને આઈપીઓમાં બોલી લગાવવા માટે મદદ તરીકે અપાયેલ લોન મામલે કરાઈ છે. આ પ્રકારે મામલો સામે આવ્યા બાદ કેન્દ્રીય બેંકે આ નોન-બેન્કિંગ નાણાકીય કંપનીને શેર અને ડિબેન્ચરના બદલામાં કોઈ પણ પ્રકારની નાણાકીય મદદ આપવાથી રોક લગાવી છે. જેમાં IPOની સાથે લોન અપ્રૂવલ અને ડિસ્ટ્રીબ્યૂશન પણ સામેલ છે.

કંપનીના શેર 20 ટકા તૂટ્યા

RBIના એક્શન બાદ જેએમ ફાઇનાન્શિયલના શેરોમાં પણ એવો જ ઘટાડો જોવા મળ્યો, જેવો કે આ પહેલા પેટીએમની પેરેન્ટ કંપની One97 Share અને IIFL Shareમાં જોવા મળી હતી. જેએમ ફાઇનાન્શિયલ શેર શેર બજારમાં શરૂઆતી ટ્રેડિંગ દરમિયાન 20 ટકા ઘટીને 76.40 રૂપિયા પર પહોંચી ગયા હતા. જોકે, છેલ્લી કલાકના ટ્રેડિંગ દરમિયાન જ્યારે બજારે અચાનક પલટી મારા લીલા નિશાન પર એન્ટ્રી મારી, તો આ સ્ટોકનો ઘટાડો પણ થોડો થયો. ત્યારબાદ માર્કેટ બંધ થવા પર જેએમ ફાઇનાન્શિયલના શેર 10.42 ટકા તૂટીને 85.50 રૂપિયાના સ્તરે બંધ થયો.

એક દિવસ પહેલા IIFL પર એક્શન

સોમવારે આરબીઆઈએ આઈઆઈએફએલ ફાઇનાન્સ કંપની પર પણ સુપરવાઈઝરી ચિંતાઓને લઈને ગોલ્ડ લોન બેનની કાર્યવાહી કરી હતી. કેન્દ્રીય બેંકે તપાસ બાદ આ ફાઈનાન્સ કંપનીને કહ્યું કે, ગ્રાહકોને ગોલ્ડ લોન આપવાનું તાત્કાલિક બંધ કરી દે. IIFLનો લોન બિઝનેસ 77,444 કરોડ રૂપિયાનો છે, જેમાંથી 32 ટકા (24,692 કરોડ રૂપિયા) ભાગ માત્ર ગોલ્ડ લોનનો છે. ગોલ્ડ લોન બેનના આદેશ બાદ મંગળવારે બજાર ખુલવા પર ફાઈનાન્સ કંપનીના શેરમાં 20 ટકાનો લોઅર સર્કિટ લાગી ગઈ અને આ 477.75 રૂપિયાના લેવલ પર આવી ગયું. ત્યારે, બુધવારે પણ આ સ્ટૉકમાં માર્કેટ ઓપન થવાની સાથે જ 20 ટકા લોઅર સર્કિટ લાગી ગઈ અને શેરનો ભાવ 382.20 રૂપિયા આવી ગઈ.