દેશને મળી મોટી સફળતાઃ ONGCએ ઊંડા દરિયામાં શરૂ કર્યું તેલ ઉત્પાદન, વડાપ્રધાન અને પેટ્રોલિયમ મંત્રીએ આપી શુભેચ્છા

Image Source: Twitter

- ONGCએ KG-DWN-98/2 બ્લોકમાં ક્લસ્ટર-2 પ્રોજેક્ટથી ઉત્પાદન શરૂ કર્યું છે

નવી દિલ્હી, તા. 08 જાન્યુઆરી 2024, સોમવાર

ONGC Oil Production: સરકારી ઓઈલ માર્કેટિંગ કંપની ઓઈલ એન્ડ નેચરલ ગેસ કોર્પોરેશન (ONGC) એ બંગાળની ખાડીમાં કૃષ્ણા ગોદાવરી બેસિનમાં ડીપ વોટર બ્લોકથી તેલનું ઉત્પાદન શરૂ કરી દીધું છે. કંપની તરફથી માહિતી મળી છે કે ONGCએ KG-DWN-98/2 બ્લોકમાં ક્લસ્ટર-2 પ્રોજેક્ટથી ઉત્પાદન શરૂ કર્યું છે. પહેલા પેટ્રોલિયમ મંત્રી હરદીપ સિંહ પુરી અને ત્યારબાદ વડાપ્રધાન નરેન્દ્ર મોદીએ એક્સ પર પોસ્ટ કરીને ONGCની આ મોટી ઉપલબ્ધિ પર ખુશી વ્યક્ત કરી છે.

PM નરેન્દ્ર મોદીએ ખુશી વ્યક્ત કરતા પોસ્ટ કરી

વડાપ્રધાન નરેન્દ્ર મોદીએ આજે પેટ્રોલિયમ મંત્રી હરદીપ સિંહ પુરીના ટ્વીટને રીટ્વીટ કરતા લખ્યું કે, આ ભારતની ઉર્જા યાત્રામાં એક ઉલ્લેખનીય પગલું છે અને આત્મનિર્ભર ભારતના આપણા મિશનને પ્રોત્સાહન આપશે. તેનાથી અમારી અર્થવ્યવસ્થાને પણ અનેક ફાયદા થશે.

This is a remarkable step in India’s energy journey and boosts our mission for an Aatmanirbhar Bharat. It will have several benefits for our economy as well. https://t.co/yaW7xozVQx

— Narendra Modi (@narendramodi) January 8, 2024

હરદીપ સિંહ પુરીએ શેર કરી માહિતી

ગઈકાલે સવારે પેટ્રોલિયમ મંત્રી હરદીપ સિંહ પુરીએ ONGCની આ મોટી ઉપલબ્ધિ પર ખુશી વ્યક્ત કરી હતી અને જાણકારી સાર્વજનિક કરતું ટ્વીટ કર્યું હતું. 

ONGCને ઊંડા દરિયાથી તેલનું ઉત્પાદન કરવાના ક્લસ્ટર 2ને શરૂ કરવામાં કેમ વિલંબ થયો?

ONGCના ક્લસ્ટર-2 તેલનું ઉત્પાદન નવેમ્બર 2021 સુધીમાં શરૂ થઈ જવાનું હતું પરંતુ કોરોના મહામારીના કારણે તેમાં વિલંબ થતો ગયો અને તે નવેમ્બર 2021ના ​​બદલે જાન્યુઆરી 2024 સુધી આવીને શરૂ થઈ શક્યુ છે. ONGC એ ક્લસ્ટર-2 તેલની પ્રથમ ડેડલાઈન મે 2023 શેડ્યૂલ કરી હતી. બાદમાં તેને લંબાવીને ઓગસ્ટ 2023, સપ્ટેમ્બર 2023, ઓક્ટોબર 2023 અને છેલ્લે ડિસેમ્બર 2023 કરવામાં આવી હતી. હવે આ કામ શરૂ થઈ ગયું છે અને તેલનું ઉત્પાદન શરૂ થઈ ગયું છે.