કેન્દ્ર સરકારના પેન્શનધારકો માટે દિવાળી ગિફ્ટ! આ વયના લોકોને મળશે વધારાના પેન્શનનો લાભ

Additional Pension For Pensioners: પેન્શન અને પેન્શનર્સ વેલફેર ડિપાર્ટમેન્ટે (DoPPW) કેન્દ્ર સરકારના પેન્શનધારકોને દિવાળી પૂર્વે જ મોટી ગિફ્ટ આપી છે. હવે 80 વર્ષ કે તેથી વધુ વયના પેન્શનધારકો વધારાના પેન્શનનો લાભ લઈ શકશે. જેને કમ્પેશનટ અલાઉન્સ (રહેમતી ભથ્થુ) તરીકે ઓળખાશે. કેન્દ્ર સરકારની આ નવી માર્ગદર્શિકા કેન્દ્ર સરકારના નિવૃત્ત કર્મચારીઓ કે જેઓ 80 વર્ષ કે તેથી વધુની વયમર્યાદા ધરાવે છે. તેમને આ લાભ આપશે.

કોને કેટલુ વધારાનું ભથ્થું

પેન્શનધારકોને આ કમ્પેશનટ એલાઉન્સ વયમર્યાદા મુજબ અલગ-અલગ હશે. જેમાં 80થી 85 વર્ષની વયમર્યાદા ધરાવતા પેન્શનધારકોને તેમના બેઝિક પેન્શન/કમ્પેશનટ અલાઉન્સના 20 ટકા વધારાનું ભથ્થુ મળશે. 85થી 90 વર્ષની વયમર્યાદા ધરાવતા પેન્શનધારકોને બેઝિક પેન્શન/કમ્પેશનટ અલાઉન્સના 30 ટકા, જ્યારે 90થી 95 વર્ષની વયજૂથના પેન્શનધારકોને 40 ટકા 95થી 100 વર્ષના પેન્શનધારકોને 50 ટકા, જ્યારે 100 વર્ષથી વધુ વયજૂથના પેન્શનધારકોને 100 ટકા પેટે વધારાનું ભથ્થુ મળશે.

આ પણ વાંચોઃ નેતાઓને મળવુ એટલે કોઈ ડીલ નહીં, રાજકીય પરિપક્વતાની નિશાનીઃ CJI ડીવાય ચંદ્રચુડે આપી સ્પષ્ટતા

કોને મળશે?

આ વધારાનું પેન્શનનો અમલ પેન્શનધારક જ્યારે મર્યાદિત વયનું થાય ત્યારથી જ લાગુ થશે. ધારો કે, પેન્શનધારક 27 ઓક્ટોબર, 1944ના રોજ જન્મ્યો હોય તો તેને 27 ઓક્ટોબર, 2024ના રોજથી જ 80 વર્ષની વય સાથે 20 ટકા પેટે વધારાનું પેન્શન મળવાપાત્ર રહેશે. આ નવો નિયમ તાત્કાલિક ધોરણે લાગુ કરવામાં આવ્યો છે. DoPPW એ બેન્કો  અને તમામ વિભાગોને આ નવા નિયમનું પાલન કરવા આદેશ આપ્યો છે.