Paytmએ 4 બેંકોનો સાથ મિલાવ્યો હાથ, 15 માર્ચ બાદ પણ UPI પેમેન્ટ પર 'નો ટેન્શન'

Paytm Update : પેટીએમના પેમેન્ટ સિસ્ટમ પ્રોવાઈડર તરીકે ચાર બેંક- એક્સિસ બેંક, એચડીએફસી બેંક, એસબીઆઈ, યસ બેંક કામ કરશે. નેશનલ પેમેન્ટ્સ કોર્પોરેશન ઓફ ઈન્ડિયા (NPCI)એ પેટીએમની માલિકીવાળી વન97 કમ્યુનિકેશન્સ લિમિટેડને મલ્ટી-બેંક મૉડલ હેઠળ યૂપીઆઈ સિસ્ટમમાં થર્ડ પાર્ટી એપ્લિકેશન પ્રોવાઈડર (TPAP)ના રૂપમાં ભાગ લેવાની મંજૂરી આપી દીધી છે. NPCIએ જણાવ્યું કે યસ બેંક, પેટીએમ લેવડ-દેવડને હાલના નવા UPI મર્ચન્ટ્સ માટે મર્ચન્ટ અધિગ્રહણ બેંક તરીકે કામ કરશે.

શું કહ્યું NCPIએ?

NCPIએ કહ્યું કે, આ તૈયારી પેટીએમના હાલના યુઝર્સ અને મર્ચન્ટ્સને UPI લેવડ-દેવડ, ઓટો-પેની મંજુરી અડચણ વગર ચલાવવામાં સક્ષમ બનાવશે. ત્યારે, પેટીએમને સલાહ અપાઈ છે કે જ્યાં પણ જરૂરી હોય તમામ હાલના હેન્ડલ અને સહમતિઓને જલ્દીથી જલ્દી નવી પેમેન્ટ સિસ્ટમ પ્રોવાઈડર બેંકોમાં ટ્રાન્સફર કરી લે. 

NCPIનો આ નિર્ણય રિઝર્વ બેંકની તે ડેડલાઈનના એક દિવસ પહેલા આવ્યો છે, જેમાં પેટીએમ પેમેન્ટ્સ બેંક લિમિટેડ (PPBL)ના ગ્રાહકો અને વેપારીઓને 15 માર્ચ સુધી પોતાના એકાઉન્ટ અન્ય બેંકોમાં ટ્રાન્સફર કરવા માટે કહેવાયું છે. જણાવી દઈએ કે, 17 ફેબ્રુઆરીએ પેટીએમએ પણ પોતાના નોડલ એકાઉન્ટ્સને એક્સિસ બેંકની સાથે ટ્રાન્સફર કરી દીધા હતા.

આરબીઆઈએ મદદ કરવાની આપી હતી સલાહ

ગત દિવસોમાં કેન્દ્રીય રિઝર્વ બેંકે ભારતીય રાષ્ટ્રીય ચૂકવણી નિગમને પેટીએમ એપનું UPI સેવા શરૂ રાખવામાં મદદ કરવા માટે કહ્યું હતું. રિઝર્વ બેંકે પેટીએમ પેમેન્ટ્સ બેંક દ્વારા સંચાલિત હેન્ડલનો ઉપયોગ કરીને UPI ગ્રાહકોને વગર કોઈ મુશ્કેલીએ ડિઝિટલ ચૂકવણી કરવામાં સક્ષમ બનાવવા માટે NPCIને 'થર્ડ પાર્ટી એપ' પ્રોવાઈડર બનાવવાની સંભાવના શોધવા કહ્યું હતું.

15 માર્ચ બાદ શું-શું સર્વિસ ચાલુ રહેશે?

યૂઝર્સ અને વેપારીઓને એ વાતને ધ્યાનમાં રાખવી જોઈએ કે પેટીએમ એપ કામ કરી રહી છે અને 15 માર્ચ 2024 બાદ પણ આ કામ કરવાનું શરૂ રાખશે. ઉદાહરણ માટે પેટીએમ ક્યૂઆર કોડ, સાઉન્ડબોક્સ અને કાર્ડ મશીનો પણ સંપૂર્ણ રીતે ચાલુ રહેશે. આ રીતે, પેટીએમ એપ પર ફિલ્મ, ઈવેન્ટ, મુસાફર (મેટ્રો, ફ્લાઈટ, ટ્રેન, બસ)ની ટિકિટ બુકિંગ સહિત અન્ય તમામ સેવાઓ સંપૂર્ણ રીતે ચાલુ રહેશે. યૂઝર્સ પોતાના મોબાઈલ ફોન, ડીટીએચ અથવા ઓટીટી સબ્સક્રિપ્શનને રિચાર્જ કરવાનું ચાલુ રાખી શકે છે અને તમામ યૂટિલિટી બિલ (વીજળી, પાણી, ગેસ, ઈન્ટરનેટ)ની ચૂકવણી પેટીએમ એપની મદદથી કરી શકે છે. યૂઝર્સ બાઈક, કાર, હેલ્થ અને અન્ય માટે નવી વીમા પોલિસી ખરીદી શકશે અને પેટીએમ એપનો ઉપયોગ કરીને પ્રીમિયમની ચૂકવણી કરી શકશે.

ફાસ્ટેગ પર શું થશે?

પેટીએમ પહેલાથી એચડીએફસી બેંક ફાસ્ટેગ્સ ઓફર કરી રહ્યું છે અને પેટીએમ એપ પર અન્ય ભાગીદાર બેંકોના ફાસ્ટેગ રિચાર્જની પણ ઓફર છે. જોકે, તમે પેટીએમ પેમેન્ટ્સ બેંક ફાસ્ટેગ્સ નહીં ખરીદી શકો.