એરાઉન્ડ ધ માર્કેટ .

પાકની ઉપજમાં સતત ઘટાડો

આબોહવા પરિવર્તનનું સંકટ કૃષિ-ખાદ્ય પ્રણાલીને ઘણી રીતે અસર કરી રહ્યું છે, જેમાં જીવાતો અને પાકના રોગોનો પણ સમાવેશ થાય છે. ઊંચા તાપમાન અને અનિયમિત વરસાદ જેવી મોસમી પરિસ્થિતિઓને કારણે, પાકને નુકસાન પહોંચાડતા કેટલાક જંતુઓના હુમલા વધે છે અને અનેક પ્રકારના રોગો પણ થવા લાગે છે. હવે એ સાબિત થયું છે કે દુષ્કાળ, અતિશય તાપમાન અને પાણી ભરાવાથી પાકની ઉપજમાં ઘટાડો થઈ રહ્યો છે, પરંતુ બાયોટિક સ્પેક્ટ્રમ પર પણ અસર થઈ રહી છે. આ પડકારનો સામનો કરવા માટે ફક્ત બે-ત્રણ રસ્તાઓ ઉપલબ્ધ છે અને તેમાંથી એક છે આનુવંશિક નવીનતા. આનો અર્થ એ થયો કે આપણે પાકની એવી જાતો વિકસાવવી પડશે જે જૈવિક અને બિન-જૈવિક જોખમોનો સામનો કરી શકે. બીજો રસ્તો એ છે કે કૃષિશા અથવા પર્યાવરણને અનુકૂળ કૃષિ પદ્ધતિઓને પ્રોત્સાહન આપવું જેના દ્વારા આપણે આબોહવા પરિવર્તનની હાનિકારક અસરો ઘટાડી શકીએ. ત્રીજો રસ્તો એ છે કે યોગ્ય નીતિઓ ઘડવી. આ નીતિઓ ખાસ કરીને પાણી, પોષક તત્વોના ઉપયોગમાં કાર્યક્ષમતા અને શ્રમ બચતને પ્રોત્સાહન આપવી જોઈએ. આ ત્રણેય ઉકેલો એકસાથે અજમાવવા પડશે.

ભારત નીતિગત ચપળતાથી પડકારોનો સામનો કરશે

ટેરિફથી સર્જાયેલી વૈશ્વિક અનિશ્ચિતતાઓ વચ્ચે, ભારત નીતિગત ચપળતા અને લાંબા ગાળાના દ્રષ્ટિકોણથી પડકારોનો સામનો કરશે તેમ નાણામંત્રી નિર્મલા સીતારામને કહ્યું હતું. સીતારામને ટેરિફ યુદ્ધથી ઉભા થયેલા જોખમોને સ્વીકાર્યા હતા, સાથે ભારતના મજબૂત અર્થતંત્રમાં વિશ્વાસ પણ વ્યક્ત કર્યો હતો. દુનિયા એવા તબક્કામાંથી પસાર થઈ રહી છે જ્યાં વેપારને નવેસરથી સંતુલિત કરવામાં આવી રહ્યો છે. ભારત પણ આ વૈશ્વિક પડકારોથી અસ્પૃશ્ય નથી. જોકે,  ભારત તેની નીતિગત ચપળતા અને લાંબા ગાળાના દ્રષ્ટિકોણથી તેનો સામનો કરશે.આનાથી આપણને બાહ્ય આંચકાઓનો સામનો કરવામાં મદદ મળશે, તેમજ આપણી લાંબા ગાળાની વૃદ્ધિની આકાંક્ષાઓને પણ વેગ મળશે.