એરાઉન્ડ ધ માર્કેટ .

NBFCની વૃદ્ધિ ધીમી પડવાના એંધાણ

નોન-બેંકિંગ ફાઇનાન્શિયલ કંપનીઓ (એનબીએફસી)ની વૃદ્ધિ ધીમી પડી શકે છે કારણ કે ઉચ્ચ જોખમ સરચાર્જ અને તરલતાની તંગીને કારણે બેન્કો તેમને ધિરાણ આપવામાં અનિચ્છા ધરાવે છે.  રિઝર્વ બેન્કના તાજેતરના ડેટા અનુસાર, બેન્કો દ્વારા એનબીએફસીને આપવામાં આવતી લોનના વૃદ્ધિ દરમાં વાર્ષિક ધોરણે ઘટાડો થયો છે.  જૂનમાં ક્રેડિટ ગ્રોથ ઘટીને ૮.૫ ટકા થયો હતો, જે મે મહિનામાં ૧૬ ટકા હતો. આ સાથે, ડેટા એ પણ દર્શાવે છે કે નાણાકીય વર્ષ ૨૦૨૫ના પ્રથમ ક્વાર્ટર (એપ્રિલ-જૂન ક્વાર્ટર)માં, બેન્કો દ્વારા એનબીએફસીને વધારાનું ધિરાણ ઘટીને માત્ર ૭,૪૨૦ કરોડ રૂપિયા થઈ ગયું છે. સરકારી ફાઇનાન્સ કંપનીઓમાં બેંકો દ્વારા તેમના પોર્ટફોલિયોમાં ઘટાડો થવાને કારણે આવું થઈ રહ્યું છે. ગયા વર્ષે નવેમ્બરમાં, રિઝર્વ બેંકે બેંકો દ્વારા એનબીએફસીને આપવામાં આવતી લોન પર જોખમ સરચાર્જ વધાર્યો હતો, જેના કારણે આ ક્ષેત્રને આપવામાં આવતી લોનમાં ઘટાડો થયો છે. રિઝર્વ બેંકના ડેટા અનુસાર, ૩૦ સપ્ટેમ્બર, ૨૦૨૩ સુધીમાં, એનબીએફસીના કુલ ધિરાણમાં બેંકો દ્વારા આપવામાં આવેલી લોનનો હિસ્સો ૩૭.૮ ટકા હતો. એનબીએફસી સેક્ટરની એસેટ અંડર મેનેજમેન્ટ વૃદ્ધિ અટકી શકે છે અને ક્રેડિટ વૃદ્ધિ સુસ્ત રહી શકે છે.

IT કંપનીઓની યુરોપની આવકમાં ઘટાડો 

મોટાભાગની મોટી અને મધ્યમ કદની આઇટી કંપનીઓએ જૂન ક્વાર્ટર દરમિયાન યુરોપમાંથી આવકમાં ક્રમિક ઘટાડો અથવા નરમાઈનો અનુભવ કર્યો હતો.  વિશ્લેષકોએ જણાવ્યું હતું કે, આ ઘટાડો મોટાભાગે ખાસ કરીને મેન્યુફેક્ચરિંગ વર્ટિકલમાં, બજારની અસ્થિર સ્થિતિ, ગ્રાહકો દ્વારા ટૂંકી સૂચનાથી નિર્ણય લેવા અને મોટા સોદામાં મંદીને કારણે હતો. ગત નાણાં વર્ષ દરમિયાન, આઇટી કંપનીઓએ સ્થાનિકમાં મજબૂત ડીલ  અને આવકનો પ્રવાહ જોયો હતો. મોટા ખેલાડીઓમાં, ટીસીએસ, એચસીએલ ટેક, ઈન્ફોસીસ અને વિપ્રોએ યુરોપમાં આવકમાં ઘટાડો નોંધાવ્યો છે.  ટીસીએસ, વિપ્રો અને ઈન્ફોસિસ દરેકે યુરોપમાં ૨૦ બેસિસ પોઈન્ટ્સનો ઘટાડો અનુભવ્યો હતો. એચસીએલ ટેકએ યુરોપીયન આવકમાં નોંધપાત્ર ૧૦૦ બેસિસ પોઈન્ટ્સનો ઘટાડો જોયો છે,