ઢસા ગામ નજીક ટ્રાફિક પોલીસ જવાનને ટ્રકે અડફેટે લેતા મોત

- રાજકોટ-ભાવનગર હાઇવે પર

- ટ્રાફિક જવાન પોતાની ફરજ પર હાજર હતા ત્યારે અકસ્માત : સિહોર તાલુકાના ખારા ગામના વતની જવાન બોટાદ જિલ્લા ટ્રાફિક શાખામાં ફરજ બજાવતા હતાં

આ બનાવની જાણવા મળતી વિગત અનુસાર બોટાદ જીલ્લા ટ્રાફિક શાખામાં ફરજ બજાવતા અને સિહોર તાલુકાના ખારા ગામના વતની વાસુરભાઈ કલાભાઈ ડાંગર (ઉં.વ.૩૦) સવારે આશરે ૧૧.૩૦ કલાકે ઢસાનાં હાઈવે ટ્રાફિક વ્યવસ્થા માટે રાજકોટ - ભાવનગર તરફના મુખ્ય હાઈવે ઉપર ફરજ ઉપર ફરજ બજાવી રહયા હતા. આ દરમિયાન પૂરપાટ ઝડપે આવી રહેલા ટ્રક નંબર જીજે ૧૦ એફ ૯૮૨૦ ના ચાલકે પૂરપાટ ઝડપે આવી ટ્રાફિક જવાનને અડફેટે લેતા અકસ્માત સર્જાયો હતો. આ અકસ્માત દરમિયાન ટ્રાફિક જવાનને ગંભીર ઈજાઓ થતા હોસ્પિટલ ખાતે ખસેડવામાં આવ્યા હતા.જ્યાં ફરજ પરના તબીબે મૃત જાહેર કર્યા હતા. આ બનાવના પગલે ટ્રાફિક શાખાના સંદીપભાઈ પટેલે ટ્રક ચાલક વિરૂધ્ધ ધોરણસરની ફરીયાદ નોંધાવતા ઢસા પોલીસે ટ્રક ચાલકની અટકાયત કરી ધોરણસરની કાર્યવાહી હાથ ધરી છે.