બોટાદમાં યુવાન પર 6 શખ્સે છરીના ઘા ઝીંક્યા

- યુવાને 6 શખ્સ વિરુદ્ધ બોટાદ પોલીસ મથકમાં ફરિયાદ નોંધાવી 

- યુવાનના મામાને થયેલી માથાકૂટની દાઝ રાખી ભાણિયાને માર મારી ધમકી આપી

આ બનાવની જાણવા મળતી વિગતો અનુસાર બોટાદના ખસ રોડ મહમદનગર - ૨ ખાતે રહેતા આસાનભાઈ અલ્તાફભાઈ સિદાતરના મામા તાહીર ઉર્ફ ફાઇટર સલીમભાઇ જાંગડને મુનાફ અયુબભાઇ માંકડ સાથે જુની અદાવત ચાલતી હોય જેનુ મનદુખ રાખી મુનાફ અયુબભાઇ માંકડ તથા નઈમ ભાસે ગાળો આપી ઝઘડો કર્યો હતા અને પાછળ થી તોસિફ ઉર્ફે પેટલાદી તથા હસનેન ભાસ આવી બે લાફા મારી દીધેલ અને નદીમ ભાવનગરી તથા અફઝલ ઉર્ફે ગંજેરી આવી તેમની પાસે રહેલ છરી તથા લોખંડના પાઈપ વડે મારવા જતા આસાનભાઈને પીઠના ભાગે છરીનો ઘસરકો કરી ઇજા કરી જાનથી મારી નાખવાની ધમકી આપી હોવાની ફરિયાદ આસાનભાઈએ છ શખ્સ વિરૂધ્ધ બીએનએસ. કલમ કલમ- ૧૧૫(૨), ૩૫૨, ૩૫૧(૨), ૫૪ તથા જી.પી.એક્ટ ૧૩૫ મુજબ બોટાદ પોલીસ મથકમાં નોંધાવતા પોલીસે વધુ તપાસ હાથ ધરી છે.