લગ્ન પહેલા શા માટે કુંડળી મેળવવામાં આવે છે? જાણો કેવી રીતે બને છે જન્મ કુંડળી અને તેનું મહત્વ

Image Source: Freepik

અમદાવાદ, તા. 18 ડિસેમ્બર 2023 સોમવાર

હવે લગ્નની સીઝન શરૂ થઈ ગઈ છે. લગ્નની પહેલી સીડી એટલે કે સંબંધ નક્કી કરવામાં જન્મ કુંડળીની વિશેષ ભૂમિકા હોય છે. ઘણી વખત તમે સાંભળ્યુ હશે કે લગ્ન માટે યુવક-યુવતીની કુંડળી મળી રહી નથી કે તમામ 36 ગુણ મળી રહ્યા છે. દરમિયાન એક પ્રશ્ન થાય કે આ જન્મ કુંડળી કેવી રીતે અને કોના દ્વારા બનાવવામાં આવે છે. 

જે સમય અને તારીખે જન્મ થાય છે તે દિવસની દિનચર્યાને ગ્રહ, ગોચર, તિથિ, મુહૂર્ત વગેરેને લઈને જન્મેલા બાળકના આખા જીવનની તમામ જાણકારીઓ જન્મ કુંડળીના માધ્યમથી જાણી શકાય છે. જન્મ કુંડળી જીવનનું માર્ગદર્શન એટલે કે પથ પ્રદર્શક હોય છે.

જન્મ કુંડળી કેવી રીતે બનાવવામાં આવે છે

આપણા ભારતીય સનાતન ધર્મમાં જ્યોતિષ શાસ્ત્ર એક મોટા વૈજ્ઞાનિક શાસ્ત્ર તરીકે પ્રખ્યાત છે. જન્મ કુંડળી અનુસાર આચાર, વ્યવહાર, ભૂત, ભવિષ્ય, વર્તમાન તમામ જાણકારી જન્મ કુંડળી અને જ્યોતિષ વિદ્યાના માધ્યમથી જાણી શકાય છે. જન્મ તારીખ અને સમયને લઈને જન્મ કુંડળી બનાવવામાં આવે છે. પ્રશ્ન કુંડળી પણ બને છે. તેના માધ્યમથી જાતકની ઘણી બધી જાણકારી ઉપલબ્ધ થઈ જાય છે.