સાવધાન! મહિનાનું અંતિમ અઠવાડિયુ આ 4 રાશિના જાતકોની મુશ્કેલી વધારે તેવી શક્યતા
Updated: Jan 27th, 2024
Image Source: Freepik
અમદાવાદ, તા. 27 જાન્યુઆરી 2024 શનિવાર
29 જાન્યુઆરીથી નવા અઠવાડિયાની શરૂઆત થશે. મહિનાનું છેલ્લુ અઠવાડિયુ અમુક રાશિઓ માટે સારુ રહેવાનુ નથી. આ રાશિઓના જીવનમાં ઘણા ઉતાર-ચઢાવ આવી શકે છે.
મિથુન
મહિનાનું છેલ્લુ અઠવાડિયુ મિથુન રાશિના જાતકો માટે સારુ રહેવાનું નથી. આ રાશિના લોકોને ખૂબ ઉતાર-ચઢાવનો સામનો કરવો પડી શકે છે. તમારા કામમાં ઘણા પ્રકારની અડચણો આવી શકે છે. આ અઠવાડિયે મિથુન રાશિના લોકોની આર્થિક સ્થિતિ બગડી શકે છે. આ રાશિના લોકોના ખર્ચા અચાનક વધી શકે છે. તમારુ શારીરિક અને માનસિક આરોગ્ય પણ ખરાબ થઈ શકે છે. નોકરીમાં પણ અમુક પડકારો આવી શકે છે.
કર્ક
આ અઠવાડિયે કર્ક રાશિના જાતકોને પોતાના નજીકના સંબંધોમાં ઉતાર-ચઢાવનો સામનો કરવો પડી શકે છે. વેપારમાં ભારે નુકસાન થવાની શક્યતા છે. અંગત જીવનમાં તમારી મુશ્કેલી વધવાની છે. આ અઠવાડિયે કર્ક રાશિના લોકોના માન-સન્માનને પણ ઠેસ પહોંચી શકે છે. તમારા લગ્ન જીવનમાં પણ અમુક સમસ્યાઓ આવી શકે છે. જીવનસાથીની સાથે તમારો તણાવ વધી શકે છે. આ અઠવાડિયે તમારે કોઈ પણ કામ ખૂબ સાવધાનીથી કરવુ જોઈએ.
વૃશ્ચિક
આ અઠવાડિયુ વૃશ્ચિક રાશિના જાતકો માટે અનુકૂળ રહેવાનું નથી. અઠવાડિયાની શરૂઆતમાં જ તમે કોઈ મોટી સમસ્યામાં ફસાઈ શકો છો. ઓફિસમાં કરેલી બેદરકારી તમારી પર ખૂબ ભારે પડી શકે છે. વૃશ્ચિક રાશિના જાતકો આ અઠવાડિયે પોતાના વધેલા કાર્યના બોજને કારણે પરેશાન રહેશે. તમે ઘણી જરૂરી કાર્યોને ટાળવાનો પ્રયત્ન કરશો. તમારી આર્થિક સ્થિતિ બગડી શકે છે. વેપારમાં પણ ધનની લેવડ-દેવડ કરતી વખતે નુકસાન થઈ શકે છે.
ધન
ધન રાશિના જાતકો માટે આવનારુ અઠવાડિયુ શુભ રહેવાનું નથી. આ રાશિના લોકો કોઈ વાદ-વિવાદમાં ફસાઈ શકે છે. કોર્ટ-કચેરીના ચક્કર પણ થઈ શકે છે. ધન રાશિના લોકોને વેપારમાં પણ નુકસાન થઈ શકે છે. પાર્ટનરની સાથે કોઈ વાતને લઈને તમારે વિવાદ થઈ શકે છે. આ રાશિના લોકોને રોકાણથી પણ નુકસાન ઉઠાવવુ પડી શકે છે.
