દિવાળી પહેલા સૂર્યનું નક્ષત્ર પરિવર્તન: આગામી 10 દિવસમાં ચમકશે આ રાશિના લોકોનું ભાગ્ય, ધન-સમૃદ્ધિની થશે વર્ષા

PC : Twitter

અમદાવાદ, તા. 8 નવેમ્બર 2023,બુધવાર 

Surya Gochar 2023: ગ્રહોનો રાજા સૂર્ય ચોક્કસ સમયગાળા પછી ગ્રહો અથવા નક્ષત્રોમાં ફેરફાર કરે છે. સૂર્યનું આ પરિવર્તન દરેક રાશિના લોકોના જીવનને કોઈને કોઈ રીતે અસર કરે છે. જ્યોતિષ શાસ્ત્ર અનુસાર સૂર્યદેવે 7 નવેમ્બરે સવારે 3.52 કલાકે વિશાખા નક્ષત્રમાં પ્રવેશ કર્યો છે. 17 નવેમ્બર સુધી સૂર્ય આ નક્ષત્રમાં રહેશે. આ પછી તેઓ અનુરાધા નક્ષત્રમાં પ્રવેશ કરશે. જ્યોતિષ શાસ્ત્ર અનુસાર વિશાખા નક્ષત્રને 27 નક્ષત્રોમાંથી 16મું નક્ષત્ર માનવામાં આવે છે. આ નક્ષત્રના સ્વામી ગુરુ છે. 

ગુરૂને ધન-સંપત્તિનો રાજા કહેવાય છે તેથી સૂર્યના ભ્રમણને કારણે કેટલીક રાશિના લોકોને ડિસેમ્બર સુધી વિશેષ લાભ મળી શકે છે. ધનની પ્રાપ્તિની સાથે જ દેવી લક્ષ્મીની કૃપાથી દરેક ક્ષેત્રમાં સફળતા પ્રાપ્ત કરી શકાશે. તો આવો જાણીએ સૂર્યના આ નક્ષત્ર પરિવર્તનને કારણે કઈ 3 રાશિઓને વિશેષ લાભ મળશે –

વૃશ્ચિક :

વૃશ્ચિક રાશિના લોકોની કુંડળીમાં સૂર્ય દસમા ઘરનો સ્વામી છે. પૈસા કમાવવામાં સફળ થવાની સાથે આ રાશિના જાતકો બચત પણ કરી શકશે. પ્રોફેશનલ લાઈફની વાત કરીએ તો મોટાભાગની બાબતો તમારા પક્ષમાં રહેશે. આવી સ્થિતિમાં તમને તમારી મહેનતનું ફળ મળશે. કાર્યસ્થળ પર તમારા કામની પ્રશંસા થઈ શકે છે. લાંબા સમયથી અટકી પડેલ પ્રમોશન હવે મળી શકે છે. આ સાથે તમને કોઈ મોટી જવાબદારી પણ મળી શકે છે. સિનિયર લોકોની મદદથી તમે તમારું લક્ષ્ય પ્રાપ્ત કરી શકશો. ધંધા-વેપારમાં અપાર સફળતાની સાથે નાણાંકીય લાભ મળવાની શક્યતાઓ છે. તમે તમારા વિરોધીઓને હરાવી શકશો. આર્થિક સ્થિતિ પણ મજબૂત રહેશે. ઉછીના લીધેલા પૈસા પણ પરત મળી શકે છે.

ધનુ :

આ નક્ષત્ર પરિવર્તન ગુરૂની રાશિ ધનુરાશિ માટે પણ ફાયદાકારક સાબિત થઈ શકે છે. જ્યોતિષ શાસ્ત્ર અનુસાર સૂર્ય તમારા નવમા ઘરનો સ્વામી છે તેથી તમને તો માત્ર લાભને લાભ જ મળશે. નોકરી અને ધંધામાં અપાર સફળતાની સાથે સંપત્તિમાં વધારો થઈ શકે છે. નોકરી કરતા લોકોને નવી તકો મળી શકે છે. જો તમને આવી તક મળે તો તેને ચૂકશો નહીં. તમે તમારા પોતાના વ્યક્તિત્વ વિશે નવી વસ્તુઓ શીખી શકો છો. બિઝનેસની વાત કરીએ તો કોઈ મોટા સોદા પર હસ્તાક્ષર થઈ શકે છે. તમે તમારા જીવનસાથી સાથે સારો સમય પસાર કરશો. અપરિણીત લોકો માટે લગ્નના પ્રસ્તાવ આવી શકે છે.

કુંભ : 

વિશાખા નક્ષત્રમાં સૂર્યનો પ્રવેશ કુંભ રાશિના લોકો માટે પણ લાભદાયી સાબિત થઈ શકે છે. આ રાશિમાં સૂર્ય સાતમા ઘરનો સ્વામી છે. આવી સ્થિતિમાં આ રાશિના લોકોનો આત્મવિશ્વાસ વધશે. નવા કાર્યને લઈને સકારાત્મકતા પેદા થતી જોવા મળી શકે છે. નોકરિયાત લોકોને પણ લાભ મળવાની સંભાવના છે. ઉચ્ચ અધિકારીઓ તમારા આત્મવિશ્વાસ અને નેતૃત્વના ગુણોથી પ્રભાવિત થશે, જેના કારણે તમને કોઈ મોટી જવાબદારી મળી શકે છે. તમે કરેલ મહેનત-ખંતનું યોગ્ય ફળ મળશે. કુટુંબીજનો કે મિત્રો સાથે કોઈ યાત્રા સંભવ થઈ શકે છે.