શનિવારે આ 4 વસ્તુઓને જોવી અત્યંત શુભ, શનિ દેવ વરસાવે છે અપાર કૃપા

Image Source: Twitter

અમદાવાદ, તા. 06 જાન્યુઆરી 2024 શનિવાર

ન્યાયના દેવતા ભગવાન શનિ દેવને પ્રસન્ન કરવા માટે લોકો જાતભાતના ઉપાય અને પૂજા-પાઠ કરે છે. કહેવાય છે કે જો કોઈની પર શનિ દેવની કૃપા દ્રષ્ટિ પડી જાય તો તે વ્યક્તિને સફળ અને ધનવાન થવાથી કોઈ રોકી શકતુ નથી. જો કોઈની પર શનિ મહારાજની વક્રી દ્રષ્ટિ છે તો તે વ્યક્તિ શારીરિક, માનસિક અને આર્થિક મુશ્કેલીઓથી ઝઝૂમતો રહેશે. ધર્મરાજ કહેવાતા શનિ દેવ દરેક વ્યક્તિના સારા-ખરાબ કર્મોનો હિસાબ રાખે છે. દરમિયાન વ્યક્તિએ પોતાના કર્મોને સારા રાખવા જોઈએ તો જ તેમની પર શનિદેવની કૃપા વરસી શકે છે.

અઠવાડિયાનો દરેક દિવસ અલગ-અલગ દેવી-દેવતાઓને સમર્પિત છે. શનિવારના દિવસે ભગવાન શનિ દેવની પૂજાનું વિધાન છે. દરમિયાન જો તમને શનિવારના દિવસે આ 4 વસ્તુઓ દેખાઈ ગઈ તો સમજો તમારી ઉપર ટૂંક સમયમાં જ શનિ દેવની કૃપા વરસવાની છે. શનિવારે આ વસ્તુઓ દેખાવી ખૂબ શુભ માનવામાં આવે છે. 

1. શનિ દેવના ઘણા વાહનો પૈકીનો એક કાગડો પણ છે. દરમિયાન જો તમને શનિવારના દિવસે કાળા કાગડાના દર્શન થાય તો સમજો તમે અત્યંત ભાગ્યશાળી છો. કાગડો દેખાવો એનો અર્થ છે કે તમારાથી શનિ દેવ પ્રસન્ન છે અને ટૂંક સમયમાં જ તમને કોઈ શુભ સમાચાર મળી શકે છે.

2. જો તમને શનિવારના દિવસે કોઈ ભિક્ષુક દેખાય અથવા કોઈ ભિક્ષુકે કંઈક માંગ્યુ તો તેને કંઈકને કંઈક જરૂર આપો. આવુ કરવાથી ભગવાન શનિ દેવ તમારાથી પ્રસન્ન થઈને તમારી દરેક મનોકામના પૂરી કરી શકે છે.

3. શનિવારના દિવસે કાળા કૂતરાનું દેખાવુ શુભ સંકેત હોય છે. જો તમને પણ કાળો કૂતરો દેખાય તો તેને તેલ લગાવેલી રોટલી જરૂર ખવડાવો. તેનાથી કેતુ દોષમાંથી મુક્તિ મળે છે સાથે જ શનિ દેવની કૃપા પણ પ્રાપ્ત થાય છે.

4. શનિવારના દિવસે કાળી ગાય દેખાવાનો અર્થ છે તમને દરેક કાર્યમાં સફળતા મળવાની છે. શનિવારના દિવસે કાળી ગાયનું દેખાવુ શુભ સંકેત હોય છે.