Shani Gochar 2024: 2024માં શનિનું ગોચર આ 5 રાશિના જાતકોનો કરશે બેડો પાર, સુખ-સમૃદ્ધિમાં થશે ધરખમ વધારો

Image Source: Freepik

અમદાવાદ, તા. 23 નવેમ્બર 2023 ગુરૂવાર

જ્યોતિષ શાસ્ત્રમાં શનિને ન્યાયના દેવતાના નામથી પણ ઓળખવામાં આવે છે. કહેવાય છે કે વ્યક્તિના કર્મોનો હિસાબ શનિ દેવ રાખે છે અને તે અનુસાર ફળ આપે છે. વ્યક્તિની કુંડલીમાં શનિની સ્થિતિ મજબૂત અને કમજોર હોવાથી જાતકોને શુભ અને અશુભ ફળની પ્રાપ્તિ થાય છે. શનિ અત્યારે કુંભ રાશિમાં વિરાજમાન છે અને વર્ષ 2024માં માત્ર સ્થિતિ બદલવાના છે. 29 જૂન 2024થી 15 નવેમ્બર 2024 સુધી શનિ વક્રી અવસ્થામાં રહેશે અને 11 ફેબ્રુઆરી 2024થી 18 માર્ચ 2024 સુધી શનિ અસ્ત થઈ જશે. 18 માર્ચ 2024 એ શનિ ઉદિત થશે.

મેષ રાશિ

જ્યોતિષ શાસ્ત્ર અનુસાર વર્ષ 2024માં શનિની સ્થિતિનો મેષ રાશિના જાતકોને વિશેષ લાભ મળશે. તેમના જીવનમાં ધન-સમૃદ્ધિનું આગમન થશે. મેષ રાશિના જાતકો પર શનિ વિશેષ રીતે મહેરબાન થશે. ધન, ઉચ્ચ પદ અને સુખ-સુવિધાઓ મળશે. નોકરી અને વેપારમાં નવા અવસર પ્રાપ્ત થશે. આ સમયે નાણાકીય સ્થિરતા અને માન-સન્માનમાં વધારો થશે.

વૃષભ રાશિ

શનિ ઉદિત થઈને વર્ષ 2024માં આ રાશિના જાતકોને ખાસ લાભ આપશે. તમારી આવકમાં વધારો થશે. વેપારી વર્ગ માટે પણ આ ગોચર ફાયદો અપાવશે. વર્ષ 2024માં શનિ આ રાશિના જાતકોને શુભ પરિણામ આપશે. આ સમયગાળામાં પ્રગતિના યોગ બની રહ્યા છે. નોકરી અને વેપારમાં મોટી સિદ્ધિ મળશે.

ધન રાશિ

આ રાશિના જાતકોને શનિના ઉદયથી કરિયરમાં મોટી સફળતા મળશે. એટલુ જ નહીં આ રાશિના લોકોને આ સમયે કિસ્મતનો સાથ મળશે. સુખ-સમૃદ્ધિમાં વધારો થશે. આ સમયે મહેનતનું પૂરુ ફળ મળશે. કરિયરના મામલે પણ પ્રગતિના અવસર મળશે. નોકરીમાં સ્થળાંતર થઈ શકે છે.

મકર રાશિ

મકર રાશિના જાતકો માટે આ સમય સુખ-સમૃદ્ધિથી ભરપૂર રહેશે. મકર રાશિના લોકોની બુદ્ધિમાં જેમ વિકાસ થશે તેમ તેમના કરિયરમાં પ્રગતિની સંભાવના છે. આ દરમિયાન તેમની આર્થિક સ્થિતિમાં મજબૂતી આવશે. કુલ મળીને આ રાશિના જાતકો માટે વર્ષ 2024 અનુકૂળ રહેવાનું છે. આ સમયગાળામાં શનિની કૃપા તમને ઘણી મુશ્કેલ પરિસ્થિતિઓમાંથી બહાર કાઢશે. 

તુલા રાશિ

તુલા રાશિના જાતકો માટે શનિની અવસ્થા વર્ષ 2024માં અત્યંતશુભ રહેવાની છે. તમને શનિ કૃપાથી માન-સન્માન પ્રાપ્ત થઈ શકે છે. ધનની બચત કરવામાં સફળ રહેશો. અમુક જાતકોને વિદેશ જવાની તક મળી શકે છે. કામકાજ સારુ રહેશે.