વાંચો તમારું 18 નવેમ્બર, 2024નું રાશિ ભવિષ્ય

મેષ : આપના યશ-પદ-ધનમાં વધારો થાય તેવી કામગીરી થવાથી આપને આનંદ રહે. સહકાર્યકરવર્ગ - નોકર- ચાકરવર્ગનો સાથ- સહકાર મળી રહે.

વૃષભ : આપના કામમાં સાનુકુળતા મળી રહે. આપના કાર્યની સાથે સામાજિક- વ્યવહારિક કામમાં આપે વ્યસ્ત રહેવાનું બને. આનંદ રહે.

મિથુન : માનસિક પરિતાપ છતાં આપના કામમાં વ્યસ્ત રહેવાનો પ્રયાસ કરો. રાજકીય - સરકારી કામકાજ અંગે દોડધામ-શ્રમ રહે.

કર્ક : આપને કામમાં પ્રતિકુળતા જણાય. કોર્ટ- કચેરીના પ્રશ્ને આપે ઉતાવળ કરવી નહીં. નાણાકીય લેવડ દેવડમાં સાવધાની રાખવી.

સિંહ : આપના કામમાં આકસ્મિક સાનુકૂળતાથી આપના કામનો ઉકેલ આવતો જાય. આપના દોડધામ-શ્રમમાં ઘટાડો જણાય.

કન્યા : આપના કાર્યની સાથે સામાજિક- વ્યવહારિક કામમાં આપે વ્યસ્ત રહેવાનું બને. જમીન- મકાન- વાહનના કામકાજ થાય.

તુલા : દિવસ પસાર થાય તેમ કામકાજમાં સાનુકૂળતા થતી જાય. દેશ-પરદેશના કામમાં, આયાત- નિકાસના કામમાં પ્રગતિ જણાય.

વૃશ્ચિક : દિવસના પ્રારંભથી જ આપને સુસ્તી- બેચેની જેવું લાગ્યા કરે. તબીયતની અસ્વસ્થતાને લીધે કામકાજ કરવાની ઇચ્છા થાય નહીં.

ધન : આપના કાર્યમાં સાનુકૂળતા જણાય. અગત્યના કામનો ઉકેલ આવવાથી રાહત જણાય. મિલન- મુલાકાતથી આનંદ અનુભવાય.

મકર : આપના કાર્યની સાથે બીજું કોઈ કામ આવી જતાં, અન્ય સહકર્મીનું કામ આવી જતાં આપના કાર્યભાર - દોડધામ - શ્રમમાં વધારો થાય.

કુંભ : આપના રૂકાવટ વિલંબમાં અટવાઇ પડેલા કામનો ધીરે ધીરે ઉકેલ આવતો જાય. સંતાનના કામકાજ અંગે વ્યસ્તતા જણાય.

મીન : હૃદય-મનની વ્યગ્રતા- બેચેનીના લીધે કામમાં મન લાગે નહીં. જમીન - મકાન વાહનની લે-વેચના કામમાં ઉતાવળ કરવી નહીં.

- અગ્નિદત્ત પદમનાભ