વાંચો તમારું 30 ઓગસ્ટ 2024નું રાશિ ભવિષ્ય
મેષ : દિવસનો પ્રારંભ આપના માટે સાનુકૂળતાવાળો રહે. નવી ઓળખાણ-મિત્રતા થાય. બપોર પછી આપને ઉચાટ-ઉદ્વેગ જણાય.
વૃષભ : સીઝનલ ધંધામાં આપને લાભ-ફાયદો જણાય. બપોર પછી અડોશ-પડોશના કામકાજ અંગે વ્યસ્તતા જણાય.
મિથુન : આપના કામમાં વ્યસ્ત રહીને દિવસ પસાર કરી શકો. સંસ્થાકીય કામ, જાહેર ક્ષેત્રનું કામ રહે. બપોર પછી રાહત રહે.
કર્ક : કોર્ટ-કચેરીના કામકાજમાં આપે સંભાળવું પડે. આકસ્મિક ખર્ચનાં લીધે નાંણાભીડ જણાય. દિવસ પસાર થાય તેમ રાહત થતી જાય.
સિંહ : પરદેશના કામમાં પ્રગતિ જણાય. સંતાનના કામનો ઉકેલ લાવી શકો. બપોર પછી કામકાજ અંગે ઉચાટ-ઉદ્વેગ અનુભવાય.
કન્યા : દિવસના પ્રારંભથી જ આપે સતત કોઈને કોઈ કામમાં વ્યસ્ત રહેવું પડે. બપોર પછી ધીરે ધીરે કામનો ઉકેલ આવતો જાય.
તુલા : અગત્યના કામકાજ અંગેની મિલન-મુલાકાત થઈ શકે. દિવસ પસાર થતો જાય તેમ-તેમ તેમાં ઘટાડો જણાય.
વૃશ્ચિક : દિવસના પ્રારંભથી જ આપને સુસ્તી-બેચેની જેવું લાગ્યા કરે. જેમ-જેમ દિવસ પસાર થતો જાય તેમ-તેમ તેમાં ઘટાડો જણાય.
ધન : આપના કામમાં અન્યનો સહકાર મળી રહે. બપોર પછી આપના કામમાં પ્રતિકૂળતાનો અનુભવ થાય. વાહન ધીરે ચલાવવું.
મકર : આપના કાર્યની સાથે બીજું કામ આવી જતા, અન્ય સહકર્મીનું કામ આવી જતાં આપના દોડધામ-શ્રમ વધે. દિવસાન્તે શાંતિ થતી જાય.
કુંભ : પુત્ર-પૌત્રાદિકના સાથ-સહકારથી કામમાં સરળતા જણાય. પરંતુ દિવસ પસાર થાય તેમ પ્રતિકૂળતાનો અનુભવ થાય.
મીન : આપે ધીરજ અને શાંતિ રાખીને દિવસ પસાર કરી લેવો. જમીન-મકાન-વાહનના કામમાં ધ્યાન રાખવું બપોર પછી રાહત રહે.
- અગ્નિદત્ત પદમનાભ