વાંચો તમારું 29 એપ્રિલ 2025 નું રાશિ ભવિષ્ય
Updated: Apr 29th, 2025
GS TEAM
મેષ : આપના કામમાં સાનુકૂળતા મળી રહે. ધંધામાં આકસ્મિક ઘરાકી આવી જાય. બેંકના, વીમા કંપનીના, શેરોના કામ થાય.
વૃષભ : આપના ગણત્રી-ધારણા પ્રમાણેનું કામકાજ થવાથી આપને આનંદ રહે. મિલન-મુલાકાતમાં સાનુકૂળતા જણાય.
મિથુન : આપે આવેગ-ઉશ્કેરાટમાં આવ્યા વગર શાંતિથી દિવસ પસાર કરી લેવો. કોર્ટ-કચેરીના કામમાં ઉતાવળ કરવી નહીં.
કર્ક : આપના કાર્યમાં આકસ્મિક સાનુકૂળતા મળી રહેતા કામનો ઝડપથી ઉકેલ લાવી શકો. પરદેશના કામમાં પ્રગતિ જણાય.
સિંહ : દિવસના પ્રારંભથી જ આપે સતત કોઈને કોઈ કામમાં વ્યસ્ત રહેવું પડે. જમીન-મકાન-વાહનના કામ થઈ શકે.
કન્યા : દેશ-પરદેશના કામમાં, આયાત-નિકાસના કામમાં સાનુકૂળતા મળી રહે. સંયુક્ત ધંધામાં ભાઈભાંડુનો સાથ રહે.
તુલા : આપ તન-મન-ધનથી-વાહનથી સંભાળીને શાંતિથી દિવસ પસાર કરી લેવો. સામાજિક-વ્યવહારિક કામમાં ધ્યાન રાખવું.
વૃશ્ચિક : આપના અગત્યના કામનો ઉકેલ આવવાથી આનંદ જણાય. મહત્ત્વના નિર્ણય લેવાના હોય તો લઈ શકાય.
ધન : આપના કાર્યમાં હરિફવર્ગ- ઈર્ષ્યા કરનાર વર્ગ મુશ્કેલી ઉભી કરે. વાદ-વિવાદ-ગેરસમજ-મનદુ:ખથી સંભાળવું.
મકર : આપના રૂકાવટ-વિલંબમાં અટવાઈ પડેલા કામનો ધીરે ધીરે ઉકેલ આવતો જાય. સંતાનના પ્રશ્ને ચિંતા ઓછી થાય.
કુંભ : આપને કામમાં પ્રતિકૂળતા જણાય. ઘર-પરિવારની ચિંતાના લીધે કામમાં મન લાગે નહીં. ઉચાટ-ઉદ્વેગ રહે.
મીન : આપના કામમાં ઉપરીવર્ગ-સહકાર્યકર વર્ગ- નોકર-ચાકર વર્ગનો સાથ-સહકાર મળી રહે. પરદેશના કામકાજ થઈ શકે.
- અગ્નિદત્ત પદમનાભ
