વાંચો તમારું 19 ઓક્ટોબર 2024નું રાશિ ભવિષ્ય

મેષ : આપના ગણત્રી-ધારણા પ્રમાણેનું કામકાજ થવાથી આનંદ અનુભવો. રાજકીય-સરકારી કામકાજમાં આપને સાનુકૂળતા મળી રહે.

વૃષભ : મોસાળ પક્ષે - સાસરી પક્ષે ચિંતા-ખર્ચનું આવરણ આવી જાય. બેંકના, વીમા કંપનીના કામકાજમાં આપે ઉતાવળ કરવી નહીં.

મિથુન : સંતાનના પ્રશ્ને આપની ચિંતા-મુશ્કેલી ઓછી થાય. સીઝનલ ધંધામાં આકસ્મિક ઘરાકી આવી જવાથી લાભ-ફાયદો જણાય.

કર્ક : આપના કાર્યની સાથે ઘર-પરિવાર, સગા-સંબંધી વર્ગ- મિત્ર વર્ગના કામકાજ અંગે વ્યસ્તતા-દોડધામ જણાય.

સિંહ : નોકરી-ધંધાના કામકાજ અંગે બહાર કે બહારગામ જવાનું બને. અગત્યના કામકાજ અંગેની મિલન-મુલાકાત થાય.

કન્યા : દિવસના પ્રારંભથી જ આપને સુસ્તી-બેચેની અનુભવાય. કામ કરવાની ઈચ્છા થાય નહીં. નાણાકીય લેવડ દેવડમાં ધ્યાન રાખવું.

તુલા : આપના કાર્યની સાથે બીજું કામ આવી જવાથી, અન્ય સહકર્મચારીનું કામ આવી જવાથી આપના દોડધામ-શ્રમ-કાર્યભારમાં વધારો થાય.

વૃશ્ચિક : આપના કાર્યમાં પ્રારંભિક પ્રતિકૂળતા બાદ સાનુકૂળતા થતી જાય. રાજકીય-સરકારી કામકાજ અંગે વ્યસ્તતા રહે.

ધન : આપની બુદ્ધિ-અનુભવ-આવડત-મહેનતથી આપના કામનો ઉકેલ લાવી શકો. સંતાનના પ્રશ્ને ચિંતા-પરિતાપ ઓછા થાય.

મકર : આપ હરો-ફરો-કામકાજ કરો પરંતુ આપના હૃદય-મનને શાંતિ રાહત જણાય નહીં. માતૃપક્ષે ચિંતા આવી જાય.

કુંભ : આપના યશ-પદ-ધનમાં વધારો થાય તેવી કામગીરી થવાથી આનંદ રહે. અડોશ-પડોશના કામમાં વ્યસ્ત રહો.

મીન : આપના કાર્યની સાથે કૌટુંબિક-પારિવારીક કામકાજ અનુભવાય. બેંકના-વીમા કંપનીના કામમાં સાનુકૂળતા રહે.

- અગ્નિદત્ત પદમનાભ