16 નવેમ્બર સુધી મંગળ દેવ તુલા રાશિમાં રહેશે, આ રાશિના જાતકોની ધન-સંપત્તિમાં થશે ધરખમ વધારો

                                                           Image Source: Freepik

અમદાવાદ, તા. 09 ઓક્ટોબર 2023 સોમવાર

વૈદિક જ્યોતિષમાં મંગળ ગ્રહને ગ્રહોના સેનાપતિ માનવામાં આવ્યા છે. સાથે જ મંગળ ગ્રહ રક્ત, ભૂમિ, સાહસ, પરાક્રમ અને ઉર્જાનો કારક છે. તેથી જ્યારે પણ મંગળ ગ્રહ રાશિ પરિવર્તન કરે છે, તો તેનો વિશેષ પ્રભાવ પડે છે. મંગળ ગ્રહે 3 ઓક્ટોબરે પોતાના મિત્ર શુક્રની સ્વરાશિ તુલામાં પ્રવેશ કરી દીધો છે અને તે 16 નવેમ્બર સુધી સ્થિત રહેશે. જેનાથી 3 રાશિના જાતકોની ધન-સંપત્તિમાં અપાર વધારો થઈ શકે છે. સાથે આ લોકોને સંપત્તિની પ્રાપ્તિ થઈ શકે છે. 

તુલા રાશિ

તુલા રાશિના લોકો માટે મંગળ ગ્રહનું રાશિ પરિવર્તન લાભકારી સાબિત થઈ શકે છે કેમ કે આ ગોચર તમારી રાશિમાં જ થયુ છે. તેથી આ સમયે તમારા સાહસ અને પરાક્રમમાં વૃદ્ધિ થશે. સાથે જ તમારો આત્મવિશ્વાસ વધશે. જે લોકો સેના, પોલીસ અને રમત સાથે જોડાયેલા છે, તેમનો આ સમય શાનદાર સાબિત થઈ શકે છે. આ સમય તમારા માન-સન્માન અને પ્રતિષ્ઠામાં વૃદ્ધિ થશે. જીવનસાથીની સાથે જે સંબંધ બગડેલા હતા, તેમાં સુધારો થશે. સાથે જ પાર્ટનરશિપના વેપારમાં લાભ થશે.

ધન રાશિ

મંગળ ગ્રહનું ગોચર ધન રાશિના જાતકો માટે અનુકૂળ સાબિત થઈ શકે છે. કેમ કે આ ગોચર તમારી રાશિથી આવક ભાવ પર થયુ છે. તેથી આ સમયે તમારી આવકમાં જોરદાર વધારો થઈ શકે છે. સાથે જ તમારા જીવનમાં કરિયર સંબંધિત નવા અવસર આવશે. તમારા માટે આર્થિક મામલે સુધારો થશે. આવકના નવા સોર્સ બની શકે છે. જે લોકોનો વેપાર એક્પોર્ટ અને ઈમ્પોર્ટ સાથે જોડાયેલો છે, તેમને લાભ થશે. આ સમયે તમને પ્રોપર્ટીની લેવડ-દેવડ, શેર બજાર, સટ્ટો અને લોટરીમાં પણ લાભના સંકેત જોવા મળી રહ્યા છે. 

સિંહ રાશિ

ગ્રહોના સેનાપતિ મંગળ ગ્રહના ગોચરથી તમારા સાહસ અને પરાક્રમમાં વધારો થશે. આ ગોચર તમારી રાશિથી ત્રીજા ભાવમાં થયો છે. તેથી આ સમયે જે પ્લાનિંગ તમારા ધનના રોકાણને લઈને કર્યુ હતુ તે સફળતાની નવી ઊંચાઈઓ સ્પર્શશે. જે લોકોનો વેપાર વિદેશ સાથે જોડાયેલો છે, તેમને સારો લાભ થઈ શકે છે. સાથે જ તમારા કરિયર સંબંધિત વિદેશ જવાની તક મળી શકે છે. મંગળ ગ્રહ તમારી રાશિથી ચતુર્થ અને નવમ ભાવનો સ્વામી છે. તેથી આ સમયે તમને ભાગ્યનો સાથ મળી શકે છે. સાથે જ તમે આ સમયે પ્રોપર્ટી અને વાહન ખરીદવાનું મન બનાવી શકો છો.