મહાશિવરાત્રી પર કાશી વિશ્વનાથ મંદિરમાં આરતીનું નવું ટાઈમ ટેબલ જાહેર, જાણો ક્યારે થશે પૂજા?

નવી મુંબઇ,તા. 6 માર્ચ 2024,બુધવાર 

આ વર્ષે ભગવાન મહાદેવની આરાધનાનો મહાન પર્વ મહાશિવરાત્રી 8મી માર્ચે દેશભરમાં ઉજવાશે. આ દિવસ શિવજીની પૂજા કરવાનો સૌથી ઉત્તમ દિવસ હોય છે. ભગવાન શિવના નિવાસ સ્થાન વારાણસીના કાશી વિશ્વનાથ મંદિરમાં મહાશિવરાત્રીના અવસરે લાખો ભક્તો દૂર-દૂરથી બાબાના દર્શન કરવા આવે છે. આ દિવસે લગભગ 10 લાખ ભક્તો આવવાનો અંદાજ છે. જેના માટે મંદિર પ્રશાસન દ્વારા વિશેષ વ્યવસ્થા કરવામાં આવી છે.

આવી સ્થિતિમાં, ભગવાન શિવના નિવાસ સ્થાન વારાણસીના કાશી વિશ્વનાથ મંદિર ટ્રસ્ટ દ્વારા આ પવિત્ર તહેવારના અવસર પર પૂજા આરતી માટેનું સમયપત્રક નક્કી કરવામાં આવ્યું છે.

મહાશિવરાત્રી પર આરતીનું સમયપત્રક

કાશી વિશ્વનાથ મંદિરમાં મહાશિવરાત્રી નિમિત્તે પૂજા આરતી માટે નવું સમયપત્રક નક્કી કરવામાં આવ્યું છે. આ અંતર્ગત સવારે 2.15 વાગ્યાથી મંગળા આરતી પૂજા શરૂ થશે. આ પૂજા એક કલાક પછી બપોરે 3:15 વાગ્યે સમાપ્ત થશે અને મંદિર 3:30 વાગ્યાથી મુલાકાતીઓ માટે ખોલવામાં આવશે.

આ પછી મધ્યાહન ભોગ આરતી - બપોરે 12:00 વાગ્યે શરૂ થશે અને 12.30 વાગ્યે સમાપ્ત થશે. કાશી વિશ્વનાથ મંદિર ટ્રસ્ટ સમિતિ દ્વારા જારી કરાયેલા સમયપત્રક અનુસાર ચારેય પ્રહરની આરતીનો સમય પણ નક્કી કરવામાં આવ્યો છે.

પ્રથમ પ્રહર આરતી - રાત્રે 9:30 વાગ્યે શંખ વગાડવામાં આવશે અને ત્યારબાદ પૂજાની તૈયારીઓ કરવામાં આવશે. આ સમયગાળા દરમિયાન ભગવાનના દર્શન અને ઝાંખી ચાલતા રહેશે. આરતી 10:00 વાગ્યાથી શરૂ થશે અને 12:30 વાગ્યે સમાપ્ત થશે

બીજા પ્રહરની આરતી- આરતી રાત્રે 01:30 વાગ્યે શરૂ થશે અને રાત્રે 02:30 વાગ્યે સમાપ્ત થશે. આ સમયગાળા દરમિયાન પણ દર્શન ચાલુ રહેશે.

ત્રીજી પ્રહર આરતી- બપોરે 3:30 વાગ્યાથી શરૂ થશે અને 4:30 વાગ્યા સુધી સમાપ્ત થશે અને દર્શન ચાલુ રહેશે.

ચોથી પ્રહર આરતી- આરતી સવારે 05:00 વાગ્યાથી શરૂ થશે અને 6.15 વાગ્યે સમાપ્ત થશે અને સાથે દર્શન પણ ચાલુ રહેશે.

આ સિવાય મહાશિવરાત્રિ પર મંદિરમાં દર્શન કરવા માટે આવતા ભક્તોએ તેમની સાથે કેટલીક વસ્તુઓ ના લેવાની પણ વાત કરવામા આવી હતી. નહીં તો તમારે દર્શન કર્યા વિના જ પાછા ફરવું પડી શકે છે અથવા તમારે દર્શનમાં મુશ્કેલીઓનો સામનો કરવો પડી શકે છે.

જે ભક્તો તે દિવસે કાશી વિશ્વનાથ મંદિરમાં દર્શન માટે આવી રહ્યા છે તેઓએ તેમની સાથે આ વસ્તુઓ મંદિરમાં લાવવી નહીં...

1. છરી

2. પેન 

3. ઇલેક્ટ્રોનિક રિમોટ

4. સ્માર્ટ ઘડિયાળ

5. પેન ડ્રાઈવ

6. પાન

7. ગુટખા અથવા 8. કોઈપણ ધારદાર વસ્તુ

9. સિગારેટ 

10. મોબાઈલ

મહાશિવરાત્રીના તહેવારને ધ્યાનમાં રાખીને મંદિરમાં વિશેષ સુરક્ષા વ્યવસ્થા પણ કરવામાં આવી છે. ભક્તોને કોઈ મુશ્કેલી ન પડે તે માટે અત્યારથી જ તૈયારીઓ કરવામાં આવી રહી છે.