આ તારીખથી 38 દિવસ કુંભ રાશિમાં અસ્ત રહેશે શનિ દેવ, ત્રણ રાશિજાતકોને આકસ્મિક ધનલાભ

Image Source: Twitter

અમદાવાદ, તા. 19 જાન્યુઆરી 2024 શુક્રવાર

જ્યોતિષ શાસ્ત્ર અનુસાર શનિને સૌથી ધીમી ગતિથી ચાલનાર ગ્રહ માનવામાં આવે છે. તેઓ એક રાશિમાં લગભગ અઢી વર્ષ સુધી રહે છે. આ સમયે શનિ પોતાની મૂળ ત્રિકોણ રાશિ કુંભ રાશિમાં બિરાજમાન છે અને આ રાશિમાં વર્ષ 2025 સુધી રહેવાના છે પરંતુ તેમની સ્થિતિમાં સમયાંતરે પરિવર્તન થતુ રહેશે.

શનિ 11 ફેબ્રુઆરી 2024એ સાંજે 06.56 મિનિટે કુંભ રાશિમાં અસ્ત થવાના છે. સતત 38 દિવસ સુધી અસ્ત રહ્યા બાદ 26 માર્ચે સવારે 05.20 મિનિટ પર ઉદય થઈ જશે. શનિના અસ્ત થવાની ઘણી રાશિઓને લાભ મળશે, તો ઘણી રાશિઓને સાચવીને રહેવાનું છે. 

મિથુન રાશિ

શનિ આ રાશિના આઠમાં અને નવમ ભાવના સ્વામી છે અને તેઓ નવમા ભાવમાં અસ્ત થઈ રહ્યા છે. દરમિયાન આ રાશિના જાતકોને ભાગ્યનો પૂરો સાથ મળશે. લાંબા અંતરની યાત્રા કરી શકો છો. આ સાથે જ જો વિદેશમાં તમારો બિઝનેસ છે, તો અપાર સફળતાની સાથે ખૂબ રૂપિયા કમાવવામાં સફળ થઈ શકો છો. અધ્યાત્મ તરફ તમારી રુચિ વધુ રહેશે. આ સાથે જ જો તમે રોકાણ કરવાનું વિચારી રહ્યા છો તો આ સમયગાળામાં વધુ રિટર્ન થશે. વેપારના ક્ષેત્રે નફો મળવાની પૂર્ણ શક્યતા છે. શનિ તમારી ઉપર પોતાની કૃપા રાખશે. આવકના નવા સ્ત્રોત ખુલશે. આ સાથે જ પોતાના કામ, લગન અને મહેનતથી ખૂબ રૂપિયા કમાવવાની સાથે બચત કરવામાં પણ સફળ થશો. આ સાથે જ જીવનસાથીની સાથે સારો સમય વીતશે.

કર્ક રાશિ

આ રાશિમાં શનિ સપ્તમ અને અષ્ટમ ભાવના સ્વામી છે અને તેઓ અષ્ટમ ભાવમાં અસ્ત થઈ રહ્યા છે. દરમિયાન આ રાશિના જાતકોને નોકરી બદલવાની તક મળી શકે છે. પોતાના અવિશ્વાસના કારણે ઘણા ક્ષેત્રે સફળતા મેળવી શકશો. આ સાથે જ લાંબા સમયથી અટકેલા કાર્ય પૂરા થવા સાથે તમારા કાર્યની પ્રશંસા થશે. આ સાથે અનપેક્ષિત ધન લાભ મળવાની પૂર્ણ સંભાવના નજર આવી રહી છે. વેપારમાં ખૂબ નફો કમાઈ શકો છો. આ સાથે જ શેર માર્કેટમાં રુપિયાનું રોકાણ લાભકારી સિદ્ધ થઈ શકે છે. પોતાના જીવનસાથી કે લાઈફ પાર્ટનર સાથે સારો સમય વીતાવશો. ઘર-પરિવારમાં ખુશીનો માહોલ જળવાઈ રહેશે.

સિંહ રાશિ

શનિ આ રાશિના છઠ્ઠા અને સાતમાં ભાવના સ્વામી છે અને તે સાતમાં ભાવમાં અસ્ત થઈ રહ્યા છે. દરમિયાન આ રાશિના જાતકોનો મિત્રો સાથે સારો સમય વીતશે. કરિયર ક્ષેત્રે તમને તમારા કામમાં સંતોષ મળશે. આ સાથે જ કામ સંબંધિત યાત્રા કરવી પડી શકે છે. વેપાર ક્ષેત્રે પોતાની બુદ્ધિથી કોઈ મોટી ડીલ સાઈન કરી શકો છો. તમે વધુ લાભની સાથે ખૂબ પૈસા કમાવવામાં સફળ થશો. આ સાથે જ પાર્ટનર સાથે સારુ બોન્ડિંગ થશે.