આવતા મહિને લાગશે વર્ષનું પહેલું ચંદ્રગ્રહણ, ત્રણ રાશિવાળાઓને મળશે ખુશખબર

Image:Freepik 

નવી મુંબઇ,તા. 13 ફેબ્રુઆરી 2024, મંગળવાર 

વર્ષ 2024નું પ્રથમ ચંદ્રગ્રહણ હોળીના દિવસે એટલે કે 25મી માર્ચ, સોમવારના રોજ થઈ રહ્યું છે. જો કે, આ ચંદ્રગ્રહણ ભારતમાં દેખાશે નહીં, તેથી સુતક કાળ પણ માન્ય રહેશે નહીં. 

જ્યોતિષીય દૃષ્ટિકોણથી, એવું માનવામાં આવે છે કે ચંદ્રગ્રહણ કોઈને કોઈ રીતે બધી રાશિઓને અસર કરે છે. વર્ષનું પ્રથમ ચંદ્રગ્રહણ કઈ રાશિ માટે ફાયદાકારક સાબિત થવાનું તેના પર એક નજર કરીએ...

ચંદ્રગ્રહણ સમય

ચંદ્રગ્રહણ સોમવાર, 25 માર્ચે સવારે 10:24 વાગ્યે શરૂ થશે, જ્યારે બપોરે 03:01 વાગ્યે સમાપ્ત થશે. જેને પેનમ્બ્રાનો અંતિમ સ્પર્શ પણ કહેવાય છે.

મેષ

વર્ષનું પ્રથમ ચંદ્રગ્રહણ મેષ રાશિના જાતકો માટે શુભ પરિણામ લાવશે. તમારા આયોજિત કાર્યો પૂરા થશે, જેનાથી તમારો આત્મવિશ્વાસ વધશે અને તમારા માટે આર્થિક લાભની શક્યતાઓ પણ છે. તમારા જીવનસાથી સાથેના તમારા સંબંધો વધુ મજબૂત બનશે.

કર્ક 

કર્ક રાશિના જાતકો માટે વર્ષનું પ્રથમ ગ્રહણ શુભ અને ફળદાયી સાબિત થશે. હોળીના સમયમાં તમને માન અને પ્રતિષ્ઠા મળશે. જો તમે વાહન અથવા મિલકત ખરીદવાનું વિચારી રહ્યાં છો, તો તમે આ સમયે તેને ખરીદી શકો છો. તમે પૈસા બચાવવામાં પણ સફળ થશો.

કન્યા 

ચંદ્રગ્રહણ અને હોળીનો આ સંયોગ કન્યા રાશિના લોકો માટે પણ ખૂબ જ શુભ રહેશે. નોકરીની શોધમાં રહેલા લોકોને સારી તક મળી શકે છે. તમારી વાણીના પ્રભાવના કારણે લોકો તમારી તરફ આકર્ષિત થશે. કાર્યસ્થળમાં સફળતા મળશે.