વસંત પંચમી પર બની રહ્યા છે દુર્લભ સંયોગ, ચાર રાશિઓ પર રહેશે માં સરસ્વતીની વિશેષ કૃપા

નવી મુંબઇ,તા. 3 ફેબ્રુઆરી 2024, શનિવાર

વસંત પંચમીનો તહેવાર ખૂબ જ શુભ છે. આ દિવસે સરસ્વતી માની પૂજા કરવામાં આવે છે. હિંદુ ધર્મમાં, વસંત પંચમીના દિવસે દેવી સરસ્વતીની પૂજાનું ઘણું મહત્વ છે. આ વર્ષે 14મી ફેબ્રુઆરી 2024ના રોજ વસંત પંચમી ખૂબ જ શુભ સંજોગોમાં ઉજવવામાં આવશે.

સનાતન ધર્મમાં, પંચમીના દિવસે માતા સરસ્વતીની પૂજાનું ઘણું મહત્વ છે. આ દિવસને સરસ્વતી પંચમી પણ કહેવાય છે. માઘ મહિનાના શુક્લ પક્ષની પાંચમના દિવસે વસંત પંચમી ઉજવવામાં આવે છે. એક ધાર્મિક માન્યતા છે કે, આ દિવસે માતા સરસ્વતીના દર્શન થયા હતા.

વસંત પંચમીના દિવસે વિધિ પ્રમાણે દેવી સરસ્વતીની પૂજા કરવાથી બુદ્ધિ, વિવેક, જ્ઞાન અને દરેક કાર્યમાં સફળતા મળે છે. આ વર્ષે વસંત પંચમી 14 ફેબ્રુઆરી 2024ના રોજ ઉજવવામાં આવશે.

જ્યોતિષીય ગણતરી મુજબ, આ વખતે રેવતી, અશ્વિની નક્ષત્ર અને શુભ યોગ સહિત અનેક દુર્લભ સંયોજનોમાં વસંત પંચમીની ઉજવણી થશે. જેના કારણે કેટલીક રાશિના જાતકોને મોટો ફાયદો થવાનો છે. આવો જાણીએ આ ભાગ્યશાળી રાશિઓ વિશે...

મેષ

શૈક્ષણિક કાર્યના માર્ગમાં આવતા અવરોધો દૂર થશે. લગ્ન નક્કી થઈ શકે છે. પારિવારિક જીવનમાં આનંદનું વાતાવરણ રહેશે. સખત મહેનતનું પરિણામ મળશે. નોકરી-ધંધામાં પ્રગતિની તક મળશે.

મિથુન

નાણાકીય સ્થિતિ મજબૂત રહેશે. તમને વ્યાવસાયિક સફળતા મળશે. વેપારમાં વૃદ્ધિની તકો મળશે. જીવનના દરેક ક્ષેત્રમાં ઇચ્છિત સફળતા પ્રાપ્ત થશે અને તમામ કાર્ય કોઈપણ અવરોધ વિના પૂર્ણ થશે.

વૃશ્ચિક

નોકરી-ધંધામાં પ્રગતિની નવી તકો મળશે. તમને તમારા જીવનસાથી તરફથી સહયોગ મળશે. કામમાં આવતા અવરોધો દૂર થશે. નોકરીમાં પ્રમોશન મળી શકે છે, મૂલ્યાંકનની શક્યતાઓ વધશે અથવા તમને નવી નોકરીની ઓફર મળશે.

મીન

પૈસા સંબંધિત સમસ્યાઓમાંથી તમને રાહત મળશે. આવકમાં વધારો થવાની સંભાવના રહેશે. ઘરમાં શુભ કાર્યોનું આયોજન થઈ શકે છે. લાંબા સમયથી પેન્ડિંગ પૈસા પરત મળશે. સ્વાસ્થ્યમાં સુધારો થશે. સમય શુભ રહેશે.